GOD'S TWO BOOKS
GOD'S TWO BOOKS
Pastor Dongzathawng
Devotional # 41 ( vol 3)
Fellowship of Thirsty Souls and Hungry Hearts
Tuning Monday ni Chibai chivai ele.
Simtute tung ah kipah thu hing gen masa ing.
Mangpan tu kal sung khu kal hoitah hing suah sah ta hen!
Kal paisa 17the ni zoom meeting in Pray for Lamka Special Progm ka nei
ua nop mama. Janni tah in ECA Imphal Area ah Pate Ni Message “THE POWER OF A
FATHER”S BLESSING” chiin Zoom meeting ah ka houlim hi. Pasian hepina toh
ka power point kisuh lou sim pen Pasian HEPINA In hing hunkhia in ka chai thei
uhi. Pasian tung ah kipah vawt ing. Pasian misiangthoute toh hun man khawm
nuam kaseng seng hi. Tujing kal in zong janni tah hunjat nopsa in ka FEEL FEEL
thei nalai hi.
Tuni Topic: “GOD'S TWO BOOKS”
Corona hing um ma in jing kal khat ka BIble ka sim a, saupi ka sim hi.
Ahivang in ka lungtang atah ngei in tah a bangma ka phat tuam pi sih hi.
Tua jou in ka tapa a school ah ka va thah hi. School compound a taahsing( pine
tree) te nuai leh huisiang laang hiau hiau te lai ah Pasian in nasa tah in a
aw hing ja sah hi. Ka Bible simlai a Pasian in hing pawl mong mong lou khu tu
in a thilsiam te tung tawn in hing pawl hi. Hun noptah Pasian toh kithauna hun
ka tang hi.
Tuma lam in hi bang ka tuah kia hi. Bible saupi kasim a, ka got dan chuh
vaimim ki hanggaw ka bang hi. Ka BIble sim jou in youtube ah Suangsang
khua a Rev Lienrum in “nitum ngai lou Zion khopi” aphuahna sing kung lim ka en
a,,, nau kaa in ka kap khia hi. A khua a, jin mu lou a himi singkung tung a
jan giah sawm a, nisa tum kuan en kawm a Zion khopi nitum non lou
na gam thil kawm a himi la aphuah ahi. Himi ka gellai in zong a khua min ka
enpha kia a ka mittui pot na lai hi.
Bangchi dan a Paisan Laisiangthou ka sim lai a suang hum gaw toh bang
ing a Taahsing kung te leh YouTube in hing nou thei sah
adiei?
A dawnna khu * Pasian in Laibu 2 nei hi. Ani a poimaw hi. Indian te ikisah
thei pi uh A ngaisaang huai mama" Vishal Mangalwadi in a laibu “The Book that
made your world” ah “GOD’S TWO BOOKS; The book of NATURE and the book of
God’s word, the BIBLE” chi hi.
NATURE kichi khu Pasian BIble dang khat ahi. Francis Bacon in “Laying before
us TWO BOOKS: First the SCRIPTURE, revealing the will of GOD, and then the
CREATURES ( Natural Science) expressing his power, where of the latter is a
key unto the former” chi hi. Pasiain in imai ah A laibu 2 hing koi sah
hi. A lungsim kilahna LAISIANGTHOU leh A THILSIAM te chi ahi.
VIshal in agen jel na ah Church father Tertullian, taught GOd wrote the book
of nature long before the Scriptures had been compiled” chi hi. Laisiangthou
bukim a ki nga masang peh in Pasian in a thilsiam te tung tawn in LAIBU ana
gel jou ta hi chi hi.
Sir Thomas Broune, English author and Physician “Put it, NATURE was God’s
universal and publick MANUSCRIP… “ THilsiam te khu Pasian in mijousie mu ding
a a Manuscript chi um jia a A KHUT GIAL ahi chi ahi.
Paraceleus in “ We should study the book of NATURE, which is the library
of books that GOD HIMSELF wrote, made and bound" chi hi. NaTURE khu Pasian
khut ngel in gel a library ahi” chi ahi.
Pslam 19 :1-6, Pslam 8:3,4 ; Rome 1:18-21 te leh Bible a mundang te apat in
Pasian khu A thilsiam te tung tawn a thupina kilang sah chi imu hi.
SIngleh guate, mual leh taang te, lui luangte, paahpe etlawmte, loupa leh
haichi te, thei ga leh lou ga te, ju leh va te, gan hingte, hui leh gua te,
nisa suah leh tum te, Van lam a thil lamdangte, Ha leh Ahsi te, jaan hun, sun
hunte, khua hun ki kheel te, thil ging jat jat te leh adang a sim a sim seng
lou ten Pasian thupina langsah hi. Tuate et leh tuat a Pasian thupina mu thei
hi. Pasian in a thilsiam hijat jou jai a ut ut ama thupina kilahna ding
in any time in jang thei hi.
"Balaam khat lou na ding in Sangan( donkey) jang jeu hi. Martin Luther
khatlouna ding in huipi guapi jang hi. Paul ading in Vah jang hi. Nicky Cruze
ki huham pa adiing in VAkhu ham jang hi." Elizah ading in Va Ah jang
a, Peter ading in Aahtal jang hi. Noah adingin Va paal jang a,
Daniel ading in Lion jang hi. Hichi dan in genseng lou in Pasian in a thilsiam
te jang in mihing te houpi hi.
Tunin zong aman Lasiangthou ahing piah ban ah athilsiem te tungtawn in any
time any where any way in eite hing surprise or hing invade thei hi. Ka
gen jel a Bristish a ka lom pa khu GANDHI film etna pat in hing piang thah hi.
Chuck Norris khu Bruce Lee ashina pat in hing piang thah hi.
Ahiin himi Nature khu bang ja tah in thupi in etlom nanleh BIBle Laisiangthou
lou in bangma kichian lou hi. Tuajieh in Laisiangthou khu theologian ten
SPECIAL REVELATION chi uh a NATURE khu general Revelation chi khu.
Hite gel pen poimaw gel gel hi. Bible sim lou in NATURE mai a kingap theilou
hi. Ajiehpen Bible khu Pasian lungsim leh dei dan teng ki khum na Laibu ahi.
Nature in Bible a ahing sawn lut ngai hi.
Bible a ilunglut but lou a, i thei but lou chiang a THILSIAM te apat in imu
thei jing hi. Ahiin BIble a atawp ngai hi.
Tuni Bible bukim lou china hilou in Pasian khu VAN leh LEi leh thilsiam pumpi
tungtawn in zong hing kilah thei hi. Ahiin Bible dei lou a, lunggulh lou a
Thilsiam mai en in bukim lou hi. Nature or Natural science khu Bible kal hilou
in Bible panpi tu hoipen ahi.
Khujiehin ka Bible dei mama, it mama ka sim sim lai in Pasian tua mi ka
dangtahna khu NATURE TUNGTAWN in hing na dawn sah hi. Pasian khu hui
nung bang in iki nep lou, ilam et lou lam ah ei hing na ngah in, ei toh kimu
ding in ana taangpang in, ei hing na invade hi.
Tua khu ahi Pasian mun jousie a um ahina. A Laibu mai ah um lou a mun jousie
ah um hi. Khujieh in Pihilip Yancey in laibu “Finding GOd in un expected
Places” chi gial hi. Gintat lou lam et lou na um ah Pasian thupi tah in
ana um jel hi.
Gen thei lou, program khum thei lou, biah inn sung leh pulpit a khum a
kot kil khum thei lou Pasian ahi. Khujieh in Puritan te toh kisai
ah David Wong in “THe purtians believed in seeing GOd in teh ordinary
things. They believed in finding GOd in the MOMENT OF LIFE. EVeru moment of
life was lived with teh expecting that GOd had something to teach them” chi
hi.
Philip Yancey Jounalist minthang mama khu tunin i khang a laibu gel
minthangpen khat suah hi, Ama christian inkuan khauh deu a kipua insung a
khangkhia hinanleh Pasian ahina tah ana thei lou in. Kum tampi
Pasian ana sui sui hi. Atawp in hing mu khia hi. Pasian anei leh
amu mai hilou in thuuh tah in hing mukhie hi.
A Pasian muna ding a Hagau Siangthou in a vanjat te khu a gintat huai lou thil
jattuam pi pite ahi:
1) The beauties of nature
2) Classical music
3) Romantic love
Hia thum te tungtawn in Pasian mukhia hi. Hite khu apiangthahna ding a
Pasian Hagau vanjat te ahi.
Pu St Augustine kichi pa ROME a um laia huansung khat a ( garden) a thum lai a
gal apat naupang te lasah git a pat hing piang thah hi ei. Lamdang thei maw
Pasian kilah dan te!
Tulai ka tate ki mawl dan, ham dan te ka en a Pasian thupina ka mu mu mai hi.
A neupen a pat in ka mu tam sem hi. English laigiel minthang pa GK
CHesterton tungtang ah Ravi Zecharias in “ He leaned more about life from
observing chilren in a nursery than he ever leanred form his book on
philosopy” a chi khu gintat huai mama hi. Ka tanu aneu pen hinkhua leh
awsua apat in ajat jat thil mah pi pi hing suah doh hi. Tua in Pasian
lamdan na hing musah hi.
Khujiehin CS Lewis in a Novel leh Flim minthang “ The Lion,the Witch and the
Wardrobe” ah “ You wont get into Narnia again by that route,,” we wont come
into the experience of God’s presence the same way everytime GOd is not
predictable but he is reliable” chi hi. Aw gen hoi na lom lom e. A tuah
kha lou ten thei siam hah sa ding a. A tuah kha ten man hiau ding hi. I Pasian
pen boring vawt lou hi. Mun khat, style khat, method khat, chi khat, bawl dan
khat mai a kichai lou in. A creative dan khu infinite/ limit bei ahi.
Tunia i gen ut pen uh khu I Pasian, I Pa khu Bible ban ah mun chin, a ut nana
mun ah ana um thei in hing na ki tuah pi thei hi. Lam dang in lamdang
hi.
Tujing serious tah a na BIble nasim a, *Pasian ngai ngut ngut na pindan na
thum lai in Pasian in husa neu khat zong ja lou in, a kengnung neu khat zong
mu ding umlou in hing nusia mang bang ding hi. Jannia nop tah a na
kithuana mun uh, na kipawlna leh na ki houlimna na mun mama ah tunin a hu, a
sign neng khat zong um lou in sip tah leh keu tahin na ngen in na um ding hi.
"Ka it pa lah ka mu ta sia, Khoia mu ding ka tai” chiin na kap ( sob) ding
hi. Lungkham sin,, hibang a ma ngai leh lunggul hagau te kung ah Pasian
in hun lem tang ana taang gige in a lam et lou leh a gintat lou na mun
leh hun ah ana kimu ding hi. Lewis gen bang “You wont get into
Narnia again by that route,,” we wont come into the experience of God’s
presence the same way everytime GOd is not predictable but he is reliable”
achi khu hijel mai hi.
Gingtu khat " adang adang tah a, Pasian angai a angai phot leh khatvei thu in
a bible sim na leh athumna ah FEEL sih nanleh Pasian in tuabang hagau dangtah
te kimu pi ding dan a hun leh amun thei mama hi.
Pasian in LAIBU 2 anei a BIble ban ah A laibu dang NATURE( thilsiamte)
ah jong Ama mu thei ding in hing kilah jel hi.
Mangpa’n tunin bangchi jong ahi jong in hing kimu pi ta hen!
Topa Thupha!
No comments