LAMENT PSALM - Part 3: Relationship - THAT GOES NOWHERE

LAMENT PSALM - Part 3: Relationship - THAT GOES NOWHERE

Pastor Dongzathawng

Devotional # 39 ( Vol 3)

Fellowship of Thirsty Souls and Hungry Hearts

Devotional simtute Mangpa lungmuanna na tung ah um ta hen!

Tuni khu nang ading a Pasian in thilthah leh thil hoi ki nep huai lou tah  khat ahing tun sah ni hita hen!

Issue masa in Vaccine thu i gen kha in mitampi buaina ana suh vah a, kipah huai ka sa seng seng hi. Ken international level a houlimna tampi ka et nung in Dr Robert Ginlunmang leh Dr Langlunthang te houlimna ka en kia a, vaccine toh kisai bangkim chiang sit set vawt hi. Et chiat ding in ka hing dei sah hi.

Tuni Topic: LAMENT PSALM - Part 3: Relationship - THAT GOES NOWHERE

Himi pen Lament Pslams toh kisai a tawpna ding ahi ta hi. Amasa in Lament psalms kichi bang ahiai chi igen ua. Mihingten Pasian kung a i ut ut gen thei adiai? I thum chiang ua i lungsim a umbang banga naupang te bang a  mawl tah a thum mai mai thei adiai ichi uhi. Adawn na khu “hi thei hi” Ajieh pen BIble ah Pasian in hibang thumna tampi hing khum sah(record) hi. Tuate i jui ding ahilou leh bang ding in Pasian in a Laisiangthou ah tua jat jat hibang thumna ana um sah diei? ichi uhi. Phal lou hileh a Bible ah ana tuangsah lou ding hi. 

Tualeh  Lament Pslam part 2 na ah: Bang ding a Pasian in hibang a i ut dan dan a kisuang lou lou a i lunggimna teng im lou a,  Ama ang a luikhiah dinga a hing chial adiei hichi leh AMAN atate HONEST ding in hing dei hi. Ama toh kaal a juau igen a, thu im inei ding adei lou seng man in bang jat tah in ama a ding a selphouna ( insult) ding hita nanleh zong ngaikhie leh thei siem ding in mansa in um hi. Tuajieh in hibang a Pasian siangthou leh jatat huai hinanleh Pa ahina toh atate gimna leh lungsim natna te imlou a kisua khia te la ding leh ngaikhie ding in mansa a um mai hilou tua bang a bawl ding in  hing chial hi. 

 

Tuabang a bawl mi tampi A LAISIANGTHOU  ah  ih etton ding hing nusia sah hi.

Hiteng thei kawm in tu nin ahileh Bangja tah in tua bang a Pasian kung a na lungkim louna, na puahgih leh na lunggimna teng luikhia leh sungkhia ding in AMA toh na kinai uai ? na ki melthei uai? chi i en ding hi.

Philip Yancey gensah kia vai: “With casual friends I discuss the weather, sport, forthcoming concerts and movies- as a result , the relationship goes no where.” 

“ I may continue going to church, singing hymns and praise choruses, even addressing God politely in formal prayers, BUT I never break though the intimacy barriers’

Agen umjie khu ka lom vantang or ka mel thei mai mai, kasep pi or ka in veng toh ka ki mu chiang weather thu,football, leh covid thu, bundth thu  te pou, leh thil vantang,  news te vel ka ki hou ua,  aga khu RELATIONSHIP GOES NOWHERE- chi ahi. A umjie khu tuapa , tua nu toh ka kikal bangma  tan tung lou ding thei sah ahi, Tua teng khu a tawpna or  a saangpen ahi. kinai na leh thuuh sem a ki theituana a um ngei lou ding hi. A ngeina ahi.  

Tuama bang in Gingtu tampi Biah in  kai in, la sa in , thumna na nei in, Pasian khu kilawm leh jatat tah in amin kilawm tah in lou in thumna nei uhi. Hinanleh tua bang relationship in zong geina nei tunna nei ngei lou ding  hi. Ih inveng or Bazar a dawr bawl Bihari te imel thei khat kung a Covid thu i houlim toh kibang hi.

Jonathan Aitken, (MP hi ngei khat in) ni danga Pasian toh akikal khu BANK manager pa toh akikal toh gen te hi:  “I spoke to him politely, visited hi premises intermittenly, occasionally asked him for a small favor or overdraft to get myself out of difficulty, thank him condescendingly for his assistances, kept up the appearance of being one of his reasonably, reliable customers, and maintained superficial contact with him on the grands that one of these days he might come in useful’

when convict of perjury and sentenced to prison, Aitken decided to pursue a more personal relationship” chi. 

Aitken in agen dan in a Bank manager pa khu lom bawl in, amai pha hawl in, ama ding a customer gin um tah ahi dan in kinei a, jatat huai tah in a ki lomta hina uh kem bit hi.  Bank Manager pa khu apoimaw hun um ding chi thei in,  atangpi in agintat thei ding in um a, kipa thu gen in, a kikal uh  ataangpi in sesah lou in  maitain hi chi. Ahiin nikhat  Aitken in  Dan botsia a, suangkul a um ding a buaina lianpi ang tuah chiang in tua bank Manager pa kung ah a mimal hina, a hina tah tah, a buaina tah tah va phuangkhial in, va gal kawm thaw, ki gal mel thei thaw hinon lou in mimal in naitah in va ki pawlpi/kithua pi hi. Ki mel thei mai mai hinon lou in mimal in naitah in va lombawl ta hi. Hipen Aitken in Pasian gingtu tampiin abawl danin gen te hi.

3 Layers of Self: 

Philip in mihingte i hina uh chi 3 gen hi.

khatna ahileh Bazar leh i nasepna a ihina uh,

Anina ahileh  ih inkuante leh i lomte mai a ihina uh’

A thumna ahileh ihina tah tah uh koima ithei sah lou uh. I lungsim sungnung pen a ihina tah tah uh eima mai in iki thei, I ki puankhiah ut lou,  I khu khum khum mai uh hina tah tah khu ahi chi hi. 

Maituam colour chi 5 te:

Atung  aki gen bang in mihing te pen maituam  chi tuam tuam toh kivah kawi kawi hi. 

1). I nasepna ah maituam khat ki tuam a, miten tua pa, tua nu chi in i maituam coulour  in hing mu in, hing thei uhi, 

2). BIahna leh sakhua ahi chiang maituam colour khat ki bu kia in Biahna leh hagau lam a i lawm ten tua clour dan in hing mu in hing thei uhi. 

3). Tuama bang in i lomte toh iki thua chiang maituam colour dang khat ki thua kia a , i lomten tua pa, tua colour/ mel dan in hing thei uhi.

4). Tuaban ah i inkuan te kung ah maituam colour dang khat kijang kia hi. Tua chin i inkuan te, i ji, i taten ka pasal tua bang, ka pa tua bang clour  chiiin hing thei kia uhi

5) Tuateng teng ban ah eima ngen, eima khawvel tah tah, i hina sungnung pen pen ah maituam colour khat ki nei a, Tua pen adih tah, a ORIGINAL ahi. Adang te pen bawltawm ngen ahi ua, HIpen atah tah i pian pi pen ahi. Hi  pen koima’n in hing mu lou a, koi ma in hing thei lou,  I kinaipi pen i ji leh ilom hoi pen pen ten  neu khat hing thei sim sim uhi giap uhi.  Ahivang in koima tua tan tan thuuh ah hing kumsuh man lou uh a, en zong koima ki pui lut sawm lou hi. Khumi mun ah i hina tah tah ki phual a, koima thei lou, koima mu phah lou hina tah tah himun a lau kawm kawm, chi kithing dil del leh thawmhau tah in ki phual hi.

UK a counseling course ka bawl lai un mihingte relationship i lawmpawl toh kisai  chi 4 in khen uhi OUTER COART : himun pen mijousie in a mu thei, bajar leh nasepna leh sport leh biah inn leh miteng in a mu ihina ahi. Himun ah  i lom vantang, i mel thei te ki vaidawn in ki khawl sah hi,

NNNER COURT: Himun ahileh mi tamlou in amu leh athei giap a. I lom hoi , i kinaipi tom nou ten mu kha in thei giap uhi. Mi tomnou pui lut thei na mun ahi.

HOLY OF HOLIEST: Hipen ahileh mi khat 1/2 mai in athei leh amu phah na mun chi in khen uhi. 

Tu in gentena tampi igen ta a ilung mang chiai chiai ta uai? Kei mang chiai chiai ta.

I point ah lut ta vai. 

Pasian khu khoi mun  tan ah i ki thuapi or i ki pawlpi uai? Ahisih leh i hina pindan te ah khoi tan ah i chial lut ngam uai? chi ahi.  Angaina dan a thum hun chiang a thumna pa ngai a thum. Biah inn kai   a, labu a i la sah ngei te sa, by heart bei, Mangbiahna by heart a i kam a pat automatic a angpot dan a Pasian phatna la sa, leh thumna nei ihi uai?

Pasian khu khoi tan  level a thuuh leh khoi tan  degree  a kinai in i nai lut uai? or i chial lut ngam  uai? chi ahi.

Biah inn hii in, thum khawm na hiiin, Bible study hi iin, nasepna hiiin bang mun hileh  ataangpi a, ki gal mel thei a, kam siam a ki hou a, ihina tah tah ki im im a, pua daang  ngen a ki thua thua ihi uai?

Khen khat diah diah mi mu ding a Ihina  tah tah ki mu kha va chia a fuh thei bang a um sawm, a kilawm thei bang a um sawm…MAITUAM hoi thei pen a ki tuam in ahina tah tah hoi deu a seel pawl ki um hi. Ahina ang ki gen kha ding kisah or ang kinai sim leh nasa deu a ki veng leh dal ngai ta. Tua khu DEFENSIVE kichi hi. Ama  hina kigen lou pi pi a,  ama ana ki veng veng hi, ajieh pen ama world kibu lu dan in ana  la  pai pai hi. 

Jauna ngen a dim ahi.  Khenkhat ahileh ham mong mong lou a um chip himai. Ahina tah kimu kha va chia. Adangkhat ahileh a hina ki phualna ding a topic tuam tuam ngen a au au leh chiah chiah, a gin a gin ngai. Ajieh pen a hinna sungnung pen pen a ahina anau ngeh kiphual khu hing kap khia kha va chia tua ang kap khiah leh zong aki thei lou ding a aging  aging, a au a au mai hi.

Tunia thumkhawmna vel leh kikhopna vel a  ahilou leh sermon vel a ama ki gen pha, ama  vai ha gen ut, a  inkuan gen ut, ama hina ki gen tam ichi te khu  ahina tah tah ki phualna ding a  akiveng vengte  ahi uhi.

I gen ut chu bang biah inn ah kikhawm in, Bang thumna ah pang in, bang fellowship ah pang nanlei hichi dan  a puadaang ngen OUTER COURT ngen a kithua ihileh “WILL GO NOWHERE” kichi i relationship in geina tunna nei ngei lou ding hi.  Kum tam pi na neu apat himi biah inn  or himi club ah member hinanleh chin hibang relationship- hibang LEVEL ngen a kithua  na hi ualeh relationship toh kisai ah IT GOES NOWHERE ahi. Lamka Bazar a VAi dawr ngah pa i neu lai a iki mel thei tuni tan a um nalai ahivang a khoi a teng , bang chi khawsah ithei lou toh kibang ahi, 

Tuabang a i neu a pat Pasian bia bia a, tua dan a a ki gal mel thei mai mai, tuni tan a zong neu khat beh Pasian toh ki nai jaw sem, thuuh jaw sem, thei hian jaw sem chi um lou a angai boh dan a Pasian biah bia thei ahi. Tuni tan a hattuam a ha panga pang in, a gim a gim in ahivang a Pasian toh kikal “it goes nowhere” hi thei mama tham ahi. Founder khat hi in diamond jubilee lom ta nan lechin Pasian toh na kal pen kigal thei, ki gal thua hi jing jing nalai thei hi lawm aw.

Tunin LAMENT PSALM in a gen ut pen khu tua chi dan a Pasian be ding leh Pasian kung a thum ding in tua MAITUAM te bul bul ngai lou hi. I hina sungnung pen khu suah khia a, i maituam teng phel khiah a I HINA tah tah hohkhiah a Pasian  nai in i relationship  nowhere apat a  ageihna hing nei sah ding hi chi ahi. Ama nai ding in maituam colour ngai non lou. *Eima a original pen bul in ama kung i juan thei hi.

3 layers of self toh kisai a Philip Yancey in that third place is what GOD  invites us to lay open in prayer. Prayer makes room for the unspeakable, those secret compartments of shame and regret that twe seal away from the outside world, in vain sometimes build barriers to keep GOD out”   chi hi. Pasian in i pindan sungnung pen, ihina tah tah koima mu leh thei ding a iphal lou, i phual phual mun khu hoh khia a, tua pansan a Ama nai dng in hing chial hi. Tuamun ahi  i hinna a, natna tah tah um na, repair ngai a kisie leh aliamna mun khu hia ki mu hi. Himun a dih lou jiehin  I hinna jousie buai sah khu:. Gari a body hoi mama na pi a engine kisie toh kibang ah. Mobile  etlom mama na pi a a sofware update ngai toh kibang ahi: *“ Self-exposure is never easy, but when I do it I lean that underneath the layers of grime lives a damaged work of ART GOd longs to repair”  i chi khu. 

Pasian in  ihina sungnung pen athei lou hijen jen lou hi. A Man i hina sungnung pen pen, hina tah tah athei mama ahi, Hinanleh ei ten  apua daang ah i ki houpi, leh iki thuah pi sawm tei tei uhi. Mi khat ahina a kip akawi a na thei sa khat in na umna ah hing ki bawl tawm in hing ki phual phual in , a hina na thei sa teng khu im im in, na mai ah ahina na theisa te hilou dan in houlim lim in au jua jua  leh na lungthah ding hi. 

CS Lewis thugen gen kia vai :
“:We must lay before HIm what is in us, not what ought to be in us. WE must trust  GOD with what GOd already knows” achi khu ahi. Pasian in ihina atheisa ahi chi muang kawm a AMa ibiah ding i thum ding chi ahi. 

Philip in “ DO I trust God with my NAKED SELF? foolishly, I hide myself in fear that GOD will be displeased, though infact the hiding may be what displeased GOD MOST” Tu in kichian ta hi.

Eiten Pasian kung ah i mitmaw na te ki phual henlan tua chilou in itung ah kipah sih va, hing nual khava, hing thei siam sih khava, hing sang sih va ichi lai in i phual guh nasan tah khu  akipah lou na hijaw hi.  Pasiain lungkim sah ut a, ihina, i lungsim a um tah tah zong gen lou a, a hoilam gen a i thum thumlai in Pasian in tua i imim pen khu i phuahkhiah lou jieh in lungkim lou jaw hi. “aw oh, bang avial vial adiei? ahina bang in ki gen suh leh” chiiin Hagau Siangthou ei a um in hing ip la mama ding hi.  If you want God smile. tell him your plan kichi khu ahi

Mihing zong a bawl khiel i thei sa.. tua pen gen suh leh puangsuh lou a ahing lep lep a, ahing gen nal nal sawm a, ahing vial vial chiang koi ngai dam malah i lung thah sah jaw hi. 

 Ahilou leh sum  tasam mama hina pi tasam kisa khollou in ki uahsah tahin na pupa kung ah ngen le chin ahing piah sawm pan zong hing pia ut lou ding hi. I buaina uh khu tasam ta mama, poimaw ta mama na pi I tahsap i beidong mite  thei sah/ musah ding khu ki ut lou hi. I IGO kichi in phal lou hi, 

“From my side, the wall seems like self-protection; from GOd’s side it looks like LACT OF TRUST, In either case, the WALL will keep us apart untill I acknowledge my need and GOd’s surpasing desire to meet it”

Mihing i muan lou te kung ah ihina ki mawh pulah sih hi. I tahsap kigen ngei lou hi. Pasian kung a i tahsap gen ngam lou, i lungsim natna gen sawm lou, PASIAN KUNG A KI SUANGLA, KI AWI MAW, chi khu ei ngai dan in  akisuang la ibat lai un PASIAN LAH DAN IN AMA MUANGLOU /GINGLA  isuah hi. 

I Doctor pa kung ah inatna gen ngam lou, i natna lah ngam lou in umlei DR pa musit, muang la in ki la ding hi.

I tate neu ten ei anu apa mai ah bangma jum leh im lou uhi.  A jun a eh i sil ding chiang in Ki hum leh ki jum sah chep chup lou uhi.

Poimaw nah nah khu i poimawna gen suh ding ahi. Vial vial leh ki gen nal sawm tei tei leh ei ma ki muanna leh i dihna or bawl thei na gen lat sawm tei tei khu Pasian toh i kal a daltu baang hijing hi. Pasian kipah sah sang a lungthah sah jawh thei  ihi.

Philip in “ If march through life pretending to smile while inside I bleed, I dishonor the relationship”

I hina tah tah phual  jing leh, i lungsim tah tah gen doh lou in ki lawmta na khangsah ngai lou ding hi.

 Law of Friendship a poimaw pen khu transparency kichi hi.  Lawmta kal a ki naina a det sem ding leh ki phual gu a tawm ding ahi. Ka lompa khat toh kaki ka pen ken ka hina teng ka gen gen a, aman ama a hing gen mong mong lou hi. Tua pen buai huai mama hi.  Ki phual guh te ang ki gen doh chiang in lomta kal ah kijopna thah, leh kinaina kip  hing um. Tuajieh in Pasian in Abraham alawmpa a aphuan ni in a  kung ah a thuguh te gen lang hi, Im lou hi. Tua khu lawmta kal a  alou thei lou ahi.

Kum tampi lawmta kichi in biah in kai khawm, thumkhawm, nasem khawm, thil bawl khawm khawm in ahivang a kinaina ( relationship) khu GETTING NOWHERE  hijing thei hi. Ajieh pen hina tah tah ki sulang lou um jing a, paw daang a ki thua na kheel lut ding in panlah sawm lou uhi, kidalna baang um jing hi. Pua daang a ngen a ki thua, ki kawm hi jing thei hi. 

Tunia LAMENT PSALM  in adei khu bang ding a Pasian kung a na lungsim a umteng na genkhiah a, hangsan tah a thil ahibang tah a na gen ngam ding ahiei ichi leh “RELATIONSHIP THAT GOES NOWHERE” ah na lungkim tawh sia, abaan thuuh sem  ah na lut ut hi.

Khujieh in Philip Yancey in "  *" *RELATIONSHIPS DEEPEN AS I TRUSH MY FRIENDS WITH SECRETS” chi hi. 

“ Like wise, unless i level with God-about bitterness over an answered prayer, grief over loss, guilt over an unforgiving spirt, a baffling sense of God’s absence-that relationship, too , will no nowhere”   chi hi. 

Mihing group khat siam in, hattuam khat a damsung in biah khawm in, thum khawm in, ki pawl khawm nan leh i hina tah tah iki im im leh khoimah atun lou ding bang in Pasian jong bia bia in thum thum in phat phat nanlei ihina tah tah i kup ngam masia iki kal pen khoimah tung ngei lou ding hi chi ahi.

Khujieh in Yancey in *What is the prayer if not to express our heart’s desire, specially when it matches what we know to be GOD’s will on earth” * chi ahi. 

Tuniin  i thum chiang a i lungsim tawng leh i hina tah tah  te im im lou a Pasian mai a ipulah a, i phuan lah chiang Pasian toh ikikal khu  gam la apat, ki gal mel thei thaw mai mai, hinon lou in asung lam aa I lut thuh ta china ahi, Tua khu ahi Lament Psalms umjie:  Tua bang bawl ding in Pasian in hing chial hi.

Tuabang a I ki relate pi ding in Pasian thanuam a, hing chial hi. Gal apat , galsai thaw leh ki gal mel thei thaw, ki gal kawm thaw, ki galthuapi  ding mai  in Pasain in atate  dei lou hi, Nai nou khat a, heart to heart, face to face a ki hou ding, ki kawm ding, ki bia diing, ki nial ding, ki kou tua ding, ki confront tua ding  in hing dei hi.

Tuajieh ma in ahi I Mangpa Jesu cross a ashi a Jerusalem a TEMPLE a puanlap kehni aki sua khu, Pasian in atate toh ki gal kawm thaw khu ning kitel in chimtah hi, Alung tung lou hi, Atate toh ki mai tua a ki kum ding ut hi.

Tunia Lament Pslam  part 3na igen ut khu :"Pasian khu na kikal uh kinaih jil in na biah dan, na houpi dan ki khe ding hi.  Example in  I gam a MLA  pa khu a kinaipi, ama  toh hun hahsa leh nop a kithua a chief agent pan a houpi dan leh singtaang a lou bawl pa houpi dan ki bang lou ding hi.  Ahin tua sang a thuuh jaw khu a chief agent pa houpi dan leh a tanu tangkhat houpi ding nahpi a kikhee jel  nalai ding hi.

Tua ma bang in Pasian toh na relationship khu bang ja tah in na kinai uai? tua mi in na biah dan, na ki hou pi dan, na thum dan sulang ding hi.  

Ka neu lai in ka khua ua thugen khat in “kei chuh Jesu khu ka ut leh ka ki haupi lel” chi hi. 

I Mangpa’n  tunin atate ki gal mel thei maimai, ki jatat, ki nel lou,ki gal kawm, ki gal thua  mai mai ding in hing dei lou a Ama nai a va lut  thuh a, va ki inn teh sah a, a laltouna hangsan tah a va nai a, amai tang a va ki tom ngam, va ki phin ngam, va  kap ngam ding in hing chial hi.  Kumpi hoi in a mipi te tua bang bawl ding a a hanthawn lai in I Pasian khu kumpi mai hilou in i pa hoi lah hi,  I hundampa jong hi,  i lom hoi pen, i nu i pa sang a iki naipi jaw, ahing theisiam jaw, ahing khual jaw, ahing it jaw I TANPA JESU ahi.

 Atawpna ding in jannia ka bible sim Luke 18: 5  a I Mangpa Jesun thumna toh kisai agen na ah: Kumpi gilou leh meithainu toh gen te hi; Chang 5 ah : Ahing subuai/sugim"   in ki let a.  Tua khu NIV in “attack “ chiin gel a, lamdang sa in study neu khat ka bawl hi. Mundang ah“ weary’ in atamjaw in let hi. Tua khu greek a “hypopiazo” ahi a  akhiatna tah tah khu : to bruise, to beat up, to molest, to harrase, to exhaust chi ahi. NIV in “ attack” in let hi.  Hilchiantu ten literal tah let dign hileh hit under the eye. or a black eye” chi uhi, Gingtuten Pasian kung a i thum chiang ua Pasian khu attack a, liamsah a, soisah a, buan a, khet a, gim sah a, tawl nga lou a koi khu Pasian kipana lam ana hi dan ahi. KHujieh in Isai 45: 11 ah “ Command me” or “ give me order’ chiin hing tawh/chou hi. Tualeh Isai 62: 7 ah: give him no rest”  chiin ama leh ama iva suh buai ding in hing tawh hi. 

Tunin kinim nim, ki im im, ki veng veng, ki tuam sah sah, ki khiin mang mang, ki suang lala, ki mi khualsah sah , ki jin sah sah  non lou in hangsan tah in i hina teng, i gimna teng, i nitna teng, i melsietna teng, i llungthanna teng, i muanla na teng, i buaina teng, i liam na teng, i natna teng, i jum na teng, i chit louna teng toh A HEPINA MANGTOU PHA HANGSAN TAH IN NAI TA VAI!

"Let us therefore come boldly unto the throne of grace, that we may obtain mercy, and find grace to help in time of need." ..Heb 4:16

Mangpa Hagau Siangthou in i bawn pi un hing theisiamsah ta hen!

SHalom Shalom!

“ONE BOLD MESSAGE IN THE BOOK OF JOB IS THAT YOU CAN SAY ANYTHING TO GOD”- Philip Yancey ( Disappointment with God).

Bible a Lament Psalm in a huam khah te: Pslam labu se 3 sua se 2. Lamentation, Job, Jonah thumna, Jeremiah, Mose, Habakkuk thumna, David thumna tampi,  Jawlnei te laibu tampi leh adang tampi.