Lungsiatna Loupi Sual Kisiihna Tuntu
Mr. Khailunjohn Hangsing
Himahleh a pa'n asuaahte kawmah, Kintahin! ka innsung apat Puanjaal hoih- peen
hung ladoh unla, hung silhsah un; a khut ah jungbuh butsah unla, a keengah
keengtophah hung butsah un. Huleh bawngnou i khoi thau tah mei uchu that unla.
Kipaahtah in annkuang I um khawm diing uhi. Ajahchu hi ka tapa asi-a, ahung
hingkiit ta hi. A vaah mang a, huleh muh in a um kiitta hi, achi a. Huchiin,
kisuhlimna apan ta uhi. Luk 15:22-24
"Na sual gihtah mei netbeh a na um jiahin, na lungsim Suhnat leh keehsuah
gawp in a um maw. Jesu'n ahung kou hi. Na huntawp tung in na kihe ei?
Luuikhuuh tui duhin na dang a taan ei. Jesu'n ahung kou hi"
-Elevation Worship.
Na hinkhua ah, maizumnate,
kiningtelnate leh jakiahnate jiaha silhoih bawl theihlouh leh bawl peihlou in,
mihing leh Pathian mai ah, koih gamlaat a um in na ki ngaihtuah ngei ei? Na
hinkhua ah, sual a suhmoh leh maijumnate tuaahin, lungsiatna, ngaihdam na leh
kisiihna tang taahlou in na ki koih ngei ei?
Sual saltaanna leh bumnate jiahin, sual henkol butln, uutna thanghuaite jiahin
sual suaah in i pang va, huleh duhaamna chauh i lunggulh uh. Himahleh hutah ah
kipaahna buklm aum thei sih hi. Kouhtuam makai Father Augustine in ageen
bangin, Aman Amah a diingin a hung siam a, Aw Ka Lalpa, Nangmah a lemna leh
muanna ka muh masiah in ka lungsim a tawldam sih diing hi."
Lalpa apat khawldamna leh hamuanna bukim i muh masiah chu hunbi tawp neilou
kiningtelna, guahsuaahna leh eimah hinkhua a sual umin natna, maizumna leh
lungawilouhnate a hung tut diing mawng ahi. Luk 15 na a, tapa taaimang
tehkhinthu ah, Tapa in, a pa hausat leh iittna, suah tampi leh neeh buching
nei tapa ahihlam a thei phasih hi. Ama'n a suangtuahna ah, a pa tellou a
nuamsa zaw a kingaiin, a tahsa utna zoujaaite asuh bukim theihna diing in
zalenna a teeljawta hi. Hujiahin, hun loutahin a pa apat agoutan diing alata
a, thulimlouta- hin a zangbeita hi. A sualna leh aangmasial thanopnate in a
mit asutaw a, sum leh kinoptaalna in bangmah tan a daih louh diing lam aphawh
sih hi.
Hichiin, kial huaisetah mei a hung tung ta a, asum neihxousiah, a hung zang
beita hi. Humah bangin a nopcheenna leh kipaahna ten zong a taihsan vehta hi.
Jujiahin ahin, jenteel voh khawite suaah in ahung pangta mei hi. Sung gilkial
ngoihngoih leh sawlsam veiin, vohte ann neeh na tawm a hung enlah meita
hi.
Juda mikhat a diing a, vohte sa bolhhoh a ngaih ahihmanin, vohte suash a pan
mei chu, sil pomtheih guallouh hindaan a ngaih ahi hi. Himahleh, sual sibawl
leh bumnate jiahin, pomtheih guallouh silte suaah in i pang meita uhi. Silkhat
jiahin, Sual kihdah huai leh niin peen pom ngaap hial diingin, na um kha tai?
Ahihlouhleh, na sual bawl khial jiaha, ki- nepna him umlou dinmun in na ding
kha tai!
Tapa duhdahlou pa'n gilkial huaisetah, lungkiahna, maizumna leh kingaihsiatna
te ahung tuaahta hi. Himahleh, zumna khuuhpi apat hung khanglouin, a pa inn a
iitnate, kipaahnate leh nei bukimtah tang a aum lai hunte a hung geeldohta hi.
Huchiin, a iit a pa kawmlam zot diing ahung lunggulhta a. Huleh a pa kawm ah
thupha atawi diing daante a hung ngaihtuahta hi. "Pa aw, vaan tung leh nang
mah mitmuhin sil ka bawlsua ta hi. na tapa chih taah zong ka hi nawn '
lungsiatah in na suahte laha hung pom meita in, ka va chi ding, hi". (Luk
15:18-19). Hichu kisiihna bukim, sual kisiihna tah nei in, ahung subukimthei
leh ngaidamna neitu kawm lam zuan in.
Apa'n ana bangchi ngaih ta dial?
Huchiin a pa kawmlam ahung zot taah in, gamlapi apat a pa'n ana gaalmuhta a,
amah lam zuan in ataidoh a, a ngawng- kawi a, lungsiatna, ngaihdamna leh
hetsi- amna bukim neitah pumin ana pomta hi. Huchiin a thuphatawi thu geen
ahung sawm laiin, tapa dama muhkiit nameenloua kipaah ahihdaan etsahna in, a
pa'n a suaahte kawm ah, puanjaal hoihpeen silhsah diing leh, a khut a zungbuh
leh a keng a kengtophah butsah a, a hihna le zahumna suhkip kiit diing in, a
sawl hi. Ahi, nopbawlna leh kipaahna annkuang loupitah neih in aumta hi.
A sual thuphatawi thu ngeei zong a geen zoumanta sih hi. Bangjiahin ahiai i
chih leh?
Huleh A pa chu thangpha leh kipaah tah meiin a hung kikoukhia a,"Hi Ka tapa
chu asia, himahleh tuun ahung hingkiitta hi; amang a, huleh muhkiit ahita"
chiin in. (Luk 15:24).
Hinkhua a zil diing:
Na hinkhua ah sual leh a nasepte jiah a, lamsaupi jawt a vaahmang leh kikiit
thei guallou lungel nei na hikha meithei hi. Ahihlouhleh, na iit, na ngaih
khat in lam tuam ahung saatsan jiaha, nang a lauhthawngna, thangtawmna leh
zumna a hung um in zong! Lungke hial sin!
Luk 15 na in chiantahin a taahlang hi. Pathian lungsiatna mitmuh apat a
vaahmang thei koimah a ki-um sih hi. A sualnate uh bangchituhin lian in neu
zongleh, sual kisiih puma, amah kawmlam hung zuan photmahte'n, ittna,
lainatna, ngaihdamna leh bukimna a tang diing uhi.
Sual hemna in, siatna, maizumna leh thuaahgimna nasatah a tun veu hi.Himahleh
i sualnate tawpsan a, lungsiatpa i zot chlangln, aman i sualna thuuhtate banga
hung na lehthuh louin. Dihtatna leh hetsiamna thaha hung na thuamin,
kipaahtahin ahung na pom hi.
Ama'n tanu tapate chia hung kou in, huleh zahumna thah a hung thuam in, kita-
nauna ahung neisahta hi. Sual kisiih jiaha nuam leh kipaah diingin ahung chial
hi. Ajiahchu Pathian mitmuh in hagau leh mi zousiahte chu, lian in neu henla,
vomin kaang mahleh, huleh hausa in jawng zon- gleh, luuldaan kibang veh a
ngaih ahi hi, I chitlouhnate zousiah apat hung ngaid- amtu Lalpa adiingin i
poimoh hi.
Ama'n a ta deihthohtahte hi diingin a hung kou hi. Hujiahin eite chu amah
banqa lainatna, hehpihna, thuaahpihna, ngaihdamna leh hagau mangthangte veina
nei kouhtuam hi a, koipouhmah bangchituha sual in vaahmangta zongleh, Pathian
lungsiat ngaihdamna tang thei diinga i lahva pomthei diingin. Huchiangin
vaangam banga kipaahna bukim i tang thei diing uhi.
Lalpa in hung vaangpiah ta hen!
Hutomahbangin, mi sual khat mei kisiihna ah zong Lalpa angelte umna ah
kipaahna adim hi. (Luke 15:10).
No comments