Simte mite lah a Pathian thu hung lutdan tomkim - Rev.H.Thangliankham
Simte mite lah a Pathian thu hung lutdan tomkim
Rev.H.Thangliankham
“Hamuanna tanchinpha leh silhoih kipaahhuai hung tutte keeng kilawm hina e” Romete 10:15
Thumapui:
Hi atunga thupi (topic) zanga article khat gelh diing lungsim a geelkhawhna
liantah leh mabaan a khang hung umtou jeel diing te’n zong aheet diing va
hoihsa na jaal in kahung gelh sawm hi. Ahiinlah gelhpat ka hung tup tahin
sil hahsatah ahihdaan ka hung hedohpah hi. Ajiah ahihleh hi thu toh kisai a
heet diing leh muh diing Record leh Document aha, ahihlouhleh Resolution
tanpha aum louhjiah ahi. Unao taangthu soizong kibanglou chih paunaah bang
deuh in hi thu mi tuamtuam in gelh diing hitaleh tu a ka hung gelh toh
kibatlouhna bang tampi umthei diing ahi. Hujiahin adihlou leh kituahlou deuh
a he simtute lah a ium tah un zong ikihesiam/ikingaisiam diing uh chiin ka
hung ngen masa hi.
Awle ei Simte mite Pathian thu awi hung kipat daan tanchin chu aheet baihlam na diingin mun nih in kikhen thei hi. Hute chu-Akipat tuung apat Kum 1958 malam tan leh Kum 1958 nunglam tuni tan ahi. Kum 1958 malam teng NEIG Mission a umlai hun ahi a, huleh Kum 1958 nunglam chu Baptist Mid
Mission a um apat tuni tan ahita hi.
1. KUM 1958 MALAM NEIG MISSION A UMLAI.
Kum 1910 in Mizo gam apat in Manipur Simlam a um Senvon leh Lungthulien khuate ah Pathian thu ahung luut a, hu apat Churachandpur bial a um singtaangmite – Hmar, Gangte, Vaiphei Paite leh Thadoute lah ah Gingtu hung um pan in North East India General Mission ah ahung kilawikhawm uhi. Tulai a bangin Headquarter tuamtuam leh pawl min atuamtuam aum naai sih a, Old Churachandpur (Suangpi) chu NEIG Mission Headquarter ahimai hi. Huchihlai in Unao Zou te leh ei Simte te chu Pathian thu awi a soi diing umtham tah tah naailou daan hilei akilawm hi.
(a) CONVENTION A UMLAI
Khovel Kidoupi Nihna (Japan gaal) kipat kum 1938 malam apat in hi NEIGM a um Unaote’n Simte khosuan khenkhat a Evangelist/Teacher daan in Pathian thu soi diing in mi ahung koihta uhi. Hute chu Mongon Khua ah (L) L. Thawmlian, SNC Ex-President L. Thianzakham pu ahung um a; amah chu asawltu tah Paula pawl chih min a kivuahte ahiva, hakhat in Rs. 2 /- aloh hi. Huleh Sumtuh khua ah zong huchibang in Thawngpu leh Thangsuum aum hi. Gamhui khua ah tulai a lasa siam Paokhosoipu, Laibaat kichi Evangelist daan in aum hi. Huleh Suangpeeh khua ah S. Kaizaneng aum a, Pamzaal khua ah tu a dam nalai Thawngzathang (Zuanpi Pa) ahung um hi. Huchiin Pathian thu chu hausa lamte leh khosung vaihawmte leh Upa teehse lamte’n deihsih mah zongleh Gospel haichi chu khangdawngte lah ah hung kithehluut in ahung pou panta hi. Huleh i haam u’leh iteenna gam uh zil in kho khenkhat kouhtuam hung um chiilte chu NEIGM Mission a um Unao Paite te umna “ Convention” a umdaan ihung hi deuh uhi. Hitah a umsung chu Japan Gaal 1945 a abeinung bangtan chiang aha ahung hitou hi.
(b) ASSEMMBLY A UMLAI.
Hun hung paitou zel in Thanlon khua a um Unaote leh mun tuam tuam a um houtu thei eimi lah a hung umdoh te’n Convention a um saang in Unoa Hmarte umna “Assembly” ah umlei hoihzaw diing a ngaihtuahna ahung umta a, buaina leh hahsatna tamtah kaal ah Assembly ah ahung ki um kiitta hi. Hitah a umsung in Simte haam a lehkhabu neu hunkhop lehdoh ahung hita hi. Hute chu Tanchipha John gelh bang, Lalpa Jesu tehkhinthute bang, Lungsiatna leh Thumanna chihte leh Thangpi Lungtang chih Bu bang ahi. Pastor Ramlian Thanlon ah ahung um a, Evangelist Roulkhum chu Sumtuh ah ahung kikoihta hi. Huleh Unaote (L) S. Tunzachin leh ta a dam nalai Th. Lianchin zong eilah a Bible zil masa ahihziahun Simte kual fang diing in sawlleh a laah ahung hita uhi.
(c) SIMTE CHRISTIAN ASSOCIATION KIPHUHDOH.
Eimite lah a zong gingtu lamkai thei leh amite khankhua geelkhawh Unao kho tuamtuam ah hung umta hi, Assembly a um hithouin, Simte bial teng atuam a Presbytery khat a kilawikhawmna neih ahung tum kiitta uhi. Huchiin 1949-1950 kum in Mongon khua ah Simte Christian Association chu phuhkhiah ahung hita hi. Huleh Unao tawmngai mi hunkhopte thohlawm in Simte Kristian Labu, 1st Edition chu sut ahita a, Kum 1954 kumtawp khawmpi a kipaahna saangtah toh Suangpeeh ah lop ahita hi.
2. KUM 1958 APAT BAPTIST MISSION A UMSUNG.
Hun leh nite hung paitou jel in, eimah a hichia um mai chu nuam leh hoih sa zoulou in ikiim ikawm a pawl dangte bang a foreign Mission zoptheih khat umleh chih lungsim ahung umtou zel a, huchih lai in Baptist Mid-Missionte hospital Alipur (Silchar kawm) a tomkhat Compunder a vapang (L) Th. Henzamang in amah u’toh kizop theih diing chih thu innlam ah ahung tut luutta hi. Huchiin Rev. James Garlow leh Rev. John Wilkens te chu kizopna diing thu ah houlimna nei diing in Cachar apat Tuiluang dung ah Kuang in Parbung tawn in keeng in Thanlon ah October ha 1957 kum in ahung uhi. Thanlon a aum sungun Zoutung leh Suangpeeh zong zaan khat tuaah giah in ava pha uhi. Huleh huchih kum leh hunlai veel mah in Unao Teddim-Chin te toh kigawm khawmna neih diing ngaihtuahna in Rev. Garlow chu Imphal tawn in Unao khenkhat in ava kouva, Taangnuam khua ah kihoulimna poimohtah mai neih ahita hi. Hizongleh Unao lamte’n Baptist paidaan lou tah itungva diing houtu khat appointment bawlsah anget u’leh lemthei lou in azaan azaan in Taangnuam apat Dumsau a zuanta uhi. Huchiin akumkiit 1958 January ha in kizopna tahtah neihna diing in SCA Annual Conference chu Thanlon ah neih ahita a, Sialtal nih akithat hi. Rev. Garlow leh Rev. Wilkens mah ahung kiitva, atate uh naupang neukhat tuah ahung puuiva, achiah kiit lam un Sial kithatte luguh bang, Daahpi leh Godaal leh Saili bang atate un adeihjiahun aumna lamvah apua uhi.
Hinung tomkhat zouin Dumsau Baptist ah Organize bawl diing in Rev. Garlow chu azi Mrs. Joyce Garlow toh leenna in ahungva, April ha Good Friday hun laitah ahi. Apaikiit un Makunda hospital a nurse zil diingin Unaunute Luanzaching, Veizanem, Neelzavung, Khamzachiin huleh tu a Gamnuam Home enkolnu, Zenkhoman a puisuh uhi. Tomkhat zou in 1958 kum mah in Pamzaal Organize diing in Rev. Wilkens chu Alipur Pastor Chunglien toh ahung tava, Churachandpur apat Unaopa L. Thangkhochin toh ken zong ka va jui uhi. Labu 2nd edition lopna toh Sialtal khat thah ahi a, nuamtah in hun akimang hi. Sepaih apat in 1958 February in Dumsau ka hung tung a, Pu Garlow in akawm a um diing a ahung kouhtah in ka va chiah a, tomkhat zou in amahtoh Dumsau ka hung phakiit uhi.
BAPTIST MISSION ZOP APAT KHANTOUHNA.
(a) PIANTHAHNA:
Awle ei Simte mite Pathian thu awi hung kipat daan tanchin chu aheet baihlam na diingin mun nih in kikhen thei hi. Hute chu-Akipat tuung apat Kum 1958 malam tan leh Kum 1958 nunglam tuni tan ahi. Kum 1958 malam teng NEIG Mission a umlai hun ahi a, huleh Kum 1958 nunglam chu Baptist Mid
Mission a um apat tuni tan ahita hi.
1. KUM 1958 MALAM NEIG MISSION A UMLAI.
Kum 1910 in Mizo gam apat in Manipur Simlam a um Senvon leh Lungthulien khuate ah Pathian thu ahung luut a, hu apat Churachandpur bial a um singtaangmite – Hmar, Gangte, Vaiphei Paite leh Thadoute lah ah Gingtu hung um pan in North East India General Mission ah ahung kilawikhawm uhi. Tulai a bangin Headquarter tuamtuam leh pawl min atuamtuam aum naai sih a, Old Churachandpur (Suangpi) chu NEIG Mission Headquarter ahimai hi. Huchihlai in Unao Zou te leh ei Simte te chu Pathian thu awi a soi diing umtham tah tah naailou daan hilei akilawm hi.
(a) CONVENTION A UMLAI
Khovel Kidoupi Nihna (Japan gaal) kipat kum 1938 malam apat in hi NEIGM a um Unaote’n Simte khosuan khenkhat a Evangelist/Teacher daan in Pathian thu soi diing in mi ahung koihta uhi. Hute chu Mongon Khua ah (L) L. Thawmlian, SNC Ex-President L. Thianzakham pu ahung um a; amah chu asawltu tah Paula pawl chih min a kivuahte ahiva, hakhat in Rs. 2 /- aloh hi. Huleh Sumtuh khua ah zong huchibang in Thawngpu leh Thangsuum aum hi. Gamhui khua ah tulai a lasa siam Paokhosoipu, Laibaat kichi Evangelist daan in aum hi. Huleh Suangpeeh khua ah S. Kaizaneng aum a, Pamzaal khua ah tu a dam nalai Thawngzathang (Zuanpi Pa) ahung um hi. Huchiin Pathian thu chu hausa lamte leh khosung vaihawmte leh Upa teehse lamte’n deihsih mah zongleh Gospel haichi chu khangdawngte lah ah hung kithehluut in ahung pou panta hi. Huleh i haam u’leh iteenna gam uh zil in kho khenkhat kouhtuam hung um chiilte chu NEIGM Mission a um Unao Paite te umna “ Convention” a umdaan ihung hi deuh uhi. Hitah a umsung chu Japan Gaal 1945 a abeinung bangtan chiang aha ahung hitou hi.
(b) ASSEMMBLY A UMLAI.
Hun hung paitou zel in Thanlon khua a um Unaote leh mun tuam tuam a um houtu thei eimi lah a hung umdoh te’n Convention a um saang in Unoa Hmarte umna “Assembly” ah umlei hoihzaw diing a ngaihtuahna ahung umta a, buaina leh hahsatna tamtah kaal ah Assembly ah ahung ki um kiitta hi. Hitah a umsung in Simte haam a lehkhabu neu hunkhop lehdoh ahung hita hi. Hute chu Tanchipha John gelh bang, Lalpa Jesu tehkhinthute bang, Lungsiatna leh Thumanna chihte leh Thangpi Lungtang chih Bu bang ahi. Pastor Ramlian Thanlon ah ahung um a, Evangelist Roulkhum chu Sumtuh ah ahung kikoihta hi. Huleh Unaote (L) S. Tunzachin leh ta a dam nalai Th. Lianchin zong eilah a Bible zil masa ahihziahun Simte kual fang diing in sawlleh a laah ahung hita uhi.
(c) SIMTE CHRISTIAN ASSOCIATION KIPHUHDOH.
Eimite lah a zong gingtu lamkai thei leh amite khankhua geelkhawh Unao kho tuamtuam ah hung umta hi, Assembly a um hithouin, Simte bial teng atuam a Presbytery khat a kilawikhawmna neih ahung tum kiitta uhi. Huchiin 1949-1950 kum in Mongon khua ah Simte Christian Association chu phuhkhiah ahung hita hi. Huleh Unao tawmngai mi hunkhopte thohlawm in Simte Kristian Labu, 1st Edition chu sut ahita a, Kum 1954 kumtawp khawmpi a kipaahna saangtah toh Suangpeeh ah lop ahita hi.
2. KUM 1958 APAT BAPTIST MISSION A UMSUNG.
Hun leh nite hung paitou jel in, eimah a hichia um mai chu nuam leh hoih sa zoulou in ikiim ikawm a pawl dangte bang a foreign Mission zoptheih khat umleh chih lungsim ahung umtou zel a, huchih lai in Baptist Mid-Missionte hospital Alipur (Silchar kawm) a tomkhat Compunder a vapang (L) Th. Henzamang in amah u’toh kizop theih diing chih thu innlam ah ahung tut luutta hi. Huchiin Rev. James Garlow leh Rev. John Wilkens te chu kizopna diing thu ah houlimna nei diing in Cachar apat Tuiluang dung ah Kuang in Parbung tawn in keeng in Thanlon ah October ha 1957 kum in ahung uhi. Thanlon a aum sungun Zoutung leh Suangpeeh zong zaan khat tuaah giah in ava pha uhi. Huleh huchih kum leh hunlai veel mah in Unao Teddim-Chin te toh kigawm khawmna neih diing ngaihtuahna in Rev. Garlow chu Imphal tawn in Unao khenkhat in ava kouva, Taangnuam khua ah kihoulimna poimohtah mai neih ahita hi. Hizongleh Unao lamte’n Baptist paidaan lou tah itungva diing houtu khat appointment bawlsah anget u’leh lemthei lou in azaan azaan in Taangnuam apat Dumsau a zuanta uhi. Huchiin akumkiit 1958 January ha in kizopna tahtah neihna diing in SCA Annual Conference chu Thanlon ah neih ahita a, Sialtal nih akithat hi. Rev. Garlow leh Rev. Wilkens mah ahung kiitva, atate uh naupang neukhat tuah ahung puuiva, achiah kiit lam un Sial kithatte luguh bang, Daahpi leh Godaal leh Saili bang atate un adeihjiahun aumna lamvah apua uhi.
Hinung tomkhat zouin Dumsau Baptist ah Organize bawl diing in Rev. Garlow chu azi Mrs. Joyce Garlow toh leenna in ahungva, April ha Good Friday hun laitah ahi. Apaikiit un Makunda hospital a nurse zil diingin Unaunute Luanzaching, Veizanem, Neelzavung, Khamzachiin huleh tu a Gamnuam Home enkolnu, Zenkhoman a puisuh uhi. Tomkhat zou in 1958 kum mah in Pamzaal Organize diing in Rev. Wilkens chu Alipur Pastor Chunglien toh ahung tava, Churachandpur apat Unaopa L. Thangkhochin toh ken zong ka va jui uhi. Labu 2nd edition lopna toh Sialtal khat thah ahi a, nuamtah in hun akimang hi. Sepaih apat in 1958 February in Dumsau ka hung tung a, Pu Garlow in akawm a um diing a ahung kouhtah in ka va chiah a, tomkhat zou in amahtoh Dumsau ka hung phakiit uhi.
BAPTIST MISSION ZOP APAT KHANTOUHNA.
(a) PIANTHAHNA:
Amain pianthahna thu akisoi sih a, piangthah mi aum sih chihna hilou in,
Baptist Mission i zopva pat nasatah in pianthah thu leh hutdam thu ahung hah
bawlpih mahmah uhi. Thusoitu minthang Jordan Khan, Kolkata a um S. K. Sahu,
John Paul, Lazur Sen, NEIBBC a Principal Joseph K. Joseph, Prof. H.
Khiangte, Mr. Timothy Rongfar, Rev. Promod Malakar, Pastor Chunglien
Evangelist leh Rev. C.V. John hite hawn theihtawp suah in Pathian thu ahung
soiva pianthahna leh halhthahna mi tampite’n ahung muta hi. Hite lah ah
adang teng in chu Churachandpur leh asehvel a khuate a ahung soi uh ahi a;
ahiin S.K. Sahu leh C.V. John chu 1959-1960 laivel ahi diing a, Kaihlam nuai
a kouhtuamte jousiah zong kitotsuahpih ahi uhi.
(b) HOLY BIBLE LEH LEHKHABU DANG SUT THU:
Missionte’n sum in tomkhat ahung panpihva hizongleh atawp pah uhi. Lekhabu Thutah Thuhilh kichi Part I, II, III leh IV ahung sutsah uhi. Huleh India a Simte haam a Bible sut diing lemlou chu Pu Garlow panlaahna zaal in London Trinitarian Bible Society ah sut diing in King James Verse jui in kum 1960 apat 1990 tan sung kum 30 luut in lehdoh (translate) ahita a, 1975 in Joutung ah Thuhun Thah latna leh lopna NTBCA kum 25 Silver Jubilee chinna lopna toh Sialtal thum leh Vohtal bang zah ahakhat thah in lop ahita hi. Hutung a kipaahna chu saang mahmah mai in nungaah-tangval tamtah te chu leengkhawm lasa in a leengkhawm khovaah uhi. Holy Bible pumpi chu kum 18 nung in Thanlon khua ah kum 1993 March ha in thupi tah a lop ahung hi kiitta hi.
(c) SHORT TERM BIBLE SCHOOL NEIHNA:
Baptist Mission toh kizop apat in Bible kithuhilhna leh kouhtuam kipuah daan dihtah zil diing in Mission te’n ahung kou kou va, huchiin kumchin chihtheih phial in nungaah – tangvaal leh khochin kouhtuam lamkaite ahithei tan akikuan kuan mai hi. Huleh eimi sung a zong ahithei tan in Bible camp leh Short term Bible Schoolte kouhtuam chin ah bawl ahung hita hi. Huchiin tuni chiangah Simte mipite chu Non-Christian chih diing umnawn lou phial in Christian i hiveh simta uhi. Lalpa chu phat in umta hen! Hutdam hih tahtah leh hihlouh atuam in koih talei huleh pawl tuam chinteng ah zong kidaap suah sim phialta hi in zong akilang hi. Huleh atunglam a Baptist Missionte’n i gam sung a Pathian thu soitu hung sawlte lah a i soi khaah louh eimah mi nih Unaopa Rev. Pumzathang leh Rev. B. Nengzachin in zong kouhtuam khen khat ah theihtawp suahin Tanchinpha a taangkoupihva, mi tampite’n pianthahna amuh thu zong manghilh theihlouh diing ahi. Huleh kei sawllehte laha , aneopeen hijongleng Pathian hehpihna zaal a Joutung khua a nungaah-tangvaal piangthah mi 70 veel phalbi dap laitah a Baptisma ka tansah laizong ka he zing nalai hi.
THUTAWPNA:
Awle hiteng leh hitan chu Simte mite lah a Pathian thu hung luut daan tanchin isoitheih ahi a, soi diing a kilawm soikhaah louh aum diing a huleh ka soisa mah bang in ahun leh ani lampang chu tamtah heetchian ahihlouh jiah a kisoilou, ataangpi a sil umdaan kisoi mai ahi. Bangteng hileh Simte te hi mi bang a itamlouh vaangun huleh tahsa lam leh khovel vaihawmna lam ah hamphatna saangtah i tan zoh louh vaang un, hagau lam thu ah chu i vaangphatna uh alian mah mah hi chih atawpna ah ka hung taahlang nuam hi. Khatna ah, Doctrine leh Koutuam kipuaah daan dihtah, Bible toh kinaihpeen tangkhate ihi a . Huleh anihna ah i haam a Bible pumpi bang ineih a huleh huzong version dihpatawp a kisoi Authorised Version (King James Version) kichi inei uh ahi.
Pathian kawmah kipaah thu umta hen.
(b) HOLY BIBLE LEH LEHKHABU DANG SUT THU:
Missionte’n sum in tomkhat ahung panpihva hizongleh atawp pah uhi. Lekhabu Thutah Thuhilh kichi Part I, II, III leh IV ahung sutsah uhi. Huleh India a Simte haam a Bible sut diing lemlou chu Pu Garlow panlaahna zaal in London Trinitarian Bible Society ah sut diing in King James Verse jui in kum 1960 apat 1990 tan sung kum 30 luut in lehdoh (translate) ahita a, 1975 in Joutung ah Thuhun Thah latna leh lopna NTBCA kum 25 Silver Jubilee chinna lopna toh Sialtal thum leh Vohtal bang zah ahakhat thah in lop ahita hi. Hutung a kipaahna chu saang mahmah mai in nungaah-tangval tamtah te chu leengkhawm lasa in a leengkhawm khovaah uhi. Holy Bible pumpi chu kum 18 nung in Thanlon khua ah kum 1993 March ha in thupi tah a lop ahung hi kiitta hi.
(c) SHORT TERM BIBLE SCHOOL NEIHNA:
Baptist Mission toh kizop apat in Bible kithuhilhna leh kouhtuam kipuah daan dihtah zil diing in Mission te’n ahung kou kou va, huchiin kumchin chihtheih phial in nungaah – tangvaal leh khochin kouhtuam lamkaite ahithei tan akikuan kuan mai hi. Huleh eimi sung a zong ahithei tan in Bible camp leh Short term Bible Schoolte kouhtuam chin ah bawl ahung hita hi. Huchiin tuni chiangah Simte mipite chu Non-Christian chih diing umnawn lou phial in Christian i hiveh simta uhi. Lalpa chu phat in umta hen! Hutdam hih tahtah leh hihlouh atuam in koih talei huleh pawl tuam chinteng ah zong kidaap suah sim phialta hi in zong akilang hi. Huleh atunglam a Baptist Missionte’n i gam sung a Pathian thu soitu hung sawlte lah a i soi khaah louh eimah mi nih Unaopa Rev. Pumzathang leh Rev. B. Nengzachin in zong kouhtuam khen khat ah theihtawp suahin Tanchinpha a taangkoupihva, mi tampite’n pianthahna amuh thu zong manghilh theihlouh diing ahi. Huleh kei sawllehte laha , aneopeen hijongleng Pathian hehpihna zaal a Joutung khua a nungaah-tangvaal piangthah mi 70 veel phalbi dap laitah a Baptisma ka tansah laizong ka he zing nalai hi.
THUTAWPNA:
Awle hiteng leh hitan chu Simte mite lah a Pathian thu hung luut daan tanchin isoitheih ahi a, soi diing a kilawm soikhaah louh aum diing a huleh ka soisa mah bang in ahun leh ani lampang chu tamtah heetchian ahihlouh jiah a kisoilou, ataangpi a sil umdaan kisoi mai ahi. Bangteng hileh Simte te hi mi bang a itamlouh vaangun huleh tahsa lam leh khovel vaihawmna lam ah hamphatna saangtah i tan zoh louh vaang un, hagau lam thu ah chu i vaangphatna uh alian mah mah hi chih atawpna ah ka hung taahlang nuam hi. Khatna ah, Doctrine leh Koutuam kipuaah daan dihtah, Bible toh kinaihpeen tangkhate ihi a . Huleh anihna ah i haam a Bible pumpi bang ineih a huleh huzong version dihpatawp a kisoi Authorised Version (King James Version) kichi inei uh ahi.
Pathian kawmah kipaah thu umta hen.
No comments