JESU MANPHA NA SAKNA BANG CIANG HI HIAM?

JESU MANPHA NA SAKNA BANG CIANG HI HIAM?
Nisim Manna

𝘽𝙪𝙡𝙥𝙝𝙪𝙝: 𝙏𝙪𝙖 𝙡𝙖𝙞𝙩𝙖𝙠𝙞𝙣 𝙈𝙖𝙧𝙞 𝙞𝙣 𝙖 𝙢𝙖𝙣𝙥𝙝𝙖 𝙢𝙖𝙝𝙢𝙖𝙝 𝙣𝙖𝙧𝙙 𝙨𝙖𝙩𝙝𝙖𝙪 𝙣𝙖𝙢𝙩𝙪𝙞 𝙩𝙝𝙖𝙬𝙡 𝙠𝙝𝙖𝙩 𝙝𝙤𝙣𝙜 𝙥𝙖𝙞𝙥𝙞𝙝 𝙖, 𝙅𝙚𝙨𝙪' 𝙠𝙝𝙚 𝙖 𝙣𝙪𝙝 𝙠𝙝𝙞𝙩 𝙘𝙞𝙖𝙣𝙜𝙞𝙣 𝙖 𝙨𝙖𝙢 𝙩𝙖𝙬𝙝 𝙖 𝙣𝙪𝙡 𝙨𝙖𝙠 𝙝𝙞. 𝙏𝙪𝙖 𝙞𝙣𝙣𝙨𝙪𝙣𝙜 𝙠𝙝𝙚𝙢𝙥𝙚𝙪𝙝 𝙨𝙖𝙩𝙝𝙖𝙪 𝙣𝙖𝙢𝙩𝙪𝙞 𝙜𝙞𝙢 𝙝𝙤𝙣𝙜 𝙣𝙖𝙢 𝙝𝙞. 𝙅𝙤𝙝𝙖𝙣 12:3

Mari in Jesu' khe a nuhsak sathau a manphatna pen Lai Siangtho siamte'n tuahun lai-a nasem mikhat in a kumkhat thalawh zah tawh kikim ding hi, ci uh hi. Tua zahin a mantam hangin Mari in Jesu adingin it neilo hi! Marka in a gelhna ah Mari in a thawl sukhamin Jesu' lu tungah a sathau namtui sungsuk hi, ci hi (Mk.14:3). Ahi zongin Jesu a lehhek ding Judas Iskariot in Mari gamtatzia vallua sa-in a sathau pammaihsa in na tai hi (v.5). Mari in hih bang Jesu tungah a sep ngamna pen bang hang hiding hiam cih i tel kisam hi. Hih Marite unau ahi Martha leh Lazaras in Jesu a theihna uh sawtta in, amau innah Jesu leh a nungzuite zintun zel uh hi. Tua tham lo-in a sanggampa Lazaras sihna panin Jesu in nungtasak kik hi. Tua hangin Jesu adingin it neilo hi. Ahi zongin Judas in Mari muh bangin Jesu manpha muh lo-a, ngun peek sawmthum bek tawh lehhek hi. Tua pen Mari sathau namtui manzah kimkhat tawh kikim dingin kituat hi. 

Nang Jesu koi bangin na mu hiam? Nang tungah ama hoihna, hong hotkhiatna ngaihsun dih in! Nang adingin Jesu a manpha hiam? Na nuntakna ah Jesu pen a manpha pen-in koih in. Judas bangin man tawmcik in Jesu zuak het ken! 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐌𝐚𝐫𝐢 𝐛𝐚𝐧𝐠𝐚 𝐧𝐚𝐧𝐠𝐦𝐚𝐡 𝐤𝐨𝐧𝐠 𝐧𝐞𝐢𝐡 𝐩𝐞𝐧 𝐚 𝐦𝐚𝐧𝐩𝐡𝐚 𝐩𝐞𝐧 𝐢𝐧 𝐤𝐨𝐧𝐠 𝐤𝐨𝐢𝐡 𝐭𝐚𝐰𝐧𝐭𝐮𝐧𝐠 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!