ABRAHAM NEIH UPNA BANG NA DEIH HIAM?

ABRAHAM NEIH UPNA BANG NA DEIH HIAM?
Nisim Manna

𝘽𝙪𝙡𝙥𝙝𝙪𝙝: 𝘼𝙢𝙖 𝙠𝙝𝙖𝙣 𝙠𝙪𝙢 𝙯𝙖𝙠𝙝𝙖𝙩 𝙗𝙖𝙣𝙜 𝙥𝙝𝙖 𝙯𝙤 𝙖, 𝙖 𝙥𝙪𝙢𝙥𝙞 𝙖 𝙨𝙞 𝙩𝙖𝙬𝙝 𝙠𝙞𝙗𝙖𝙣𝙜 𝙖𝙝𝙞𝙝𝙣𝙖 𝙡𝙚𝙝 𝙎𝙖𝙧𝙖𝙝 𝙯𝙤𝙣𝙜 𝙩𝙖𝙨𝙚𝙡 𝙖𝙝𝙞𝙝𝙣𝙖 𝙣𝙜𝙖𝙞𝙝𝙨𝙪𝙩 𝙞𝙣 𝙣𝙚𝙞 𝙡𝙤-𝙞𝙣 𝙖𝙢𝙖𝙝 𝙞𝙣 𝙪𝙥𝙣𝙖 𝙖𝙝 𝙖 𝙩𝙝𝙖𝙣𝙚𝙢 𝙩𝙪𝙖𝙣 𝙠𝙚𝙞 𝙝𝙞. 𝙍𝙤𝙢 4:19(𝙕𝙎𝙑) 

Hih munah Pasian in Abraham a teek ciangin ta piak ding a kamciam hun in Abraham in amah a kum tamta hi-in a zi Sarah a taselna (a ciin'na) thu ngaihsut in nei lo hi. Abraham in Pasian' kamciam tawh a kilehngat ding thu khatpeuh ngaihsut-in zong nei lo hi, cihna hi. Mi tampite Abraham bang hi leng siavuan kiangah pai-in piang thei takpi ding ahi hiam? Sarah in naupaai thei laitakpi ding hiam? Mi dangte kum 100 in ta nei-a om hiam? cih thute khawng kikan kha ding hi. Tua bangin Pasian kamciam tawh a kilehngat ding vive kingaihsut ding a, tuate in muanlahna hong tun ding hi. Ahi zongin Abraham nuntakna ah Pasian' thu tawh a kilehngat ding thute in mun ngah lo hi! 

Tuni in nang bang na ngaihsun hiam? Pasian' thu tawh a kilehngat thute bek ngaihsun-a, tua thute in na lungsim hong zo kha hiam? Tuni in Abraham upna bang upna na nei nuam hiam? Abraham upna bangin upna khauh na neih ut leh Pasian' thu tawh a kilehngat ding thute peuhmah mun pia lo-in, Pasian' thu mah muangngam-in na mitsuan nak leh Abraham upna bang na nei ding hi. 

𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐭𝐮𝐧𝐢 𝐚 𝐤𝐢𝐩𝐚𝐭 𝐢𝐧 𝐧𝐚𝐧𝐠𝐦𝐚 𝐭𝐡𝐮 𝐭𝐚𝐰𝐡 𝐚 𝐤𝐢𝐥𝐞𝐡𝐧𝐠𝐚𝐭 𝐝𝐢𝐧𝐠 𝐭𝐡𝐮𝐭𝐞 𝐧𝐠𝐚𝐢𝐡𝐬𝐮𝐭𝐢𝐧 𝐳𝐨𝐧𝐠 𝐧𝐞𝐢 𝐥𝐨 𝐚, 𝐧𝐚𝐧𝐠𝐦𝐚 𝐭𝐡𝐮 𝐛𝐞𝐤𝐦𝐚𝐡 𝐦𝐮𝐚𝐧𝐠𝐧𝐠𝐚𝐦 𝐢𝐧 𝐤𝐚 𝐳𝐮𝐢𝐡 𝐭𝐡𝐞𝐢𝐡𝐧𝐚 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!