KUAM KEU MUN NAWKIN NA PAI LAITAKIN
𝗞𝗨𝗔𝗠 𝗞𝗘𝗨 𝗠𝗨𝗡 𝗡𝗔𝗪𝗞𝗜𝗡 𝗡𝗔 𝗣𝗔𝗜 𝗟𝗔𝗜𝗧𝗔𝗞𝗜𝗡
Nisim Manna
𝘽𝙪𝙡𝙥𝙝𝙪𝙝: 𝙉𝙖𝙣𝙜𝙢𝙖 𝙩𝙪𝙣𝙜 𝙥𝙖𝙣𝙞𝙣 𝙩𝙝𝙖𝙝𝙖𝙩𝙣𝙖 𝙖 𝙣𝙜𝙖𝙝, 𝙖 𝙡𝙪𝙣𝙜𝙨𝙞𝙢 𝙪𝙝 𝙖𝙝 𝙢𝙪𝙣 𝙨𝙞𝙖𝙣𝙜𝙩𝙝𝙤 𝙖𝙝 𝙥𝙖𝙞 𝙖 𝙡𝙪𝙣𝙜𝙜𝙪𝙡𝙝 𝙢𝙞𝙩𝙚 𝙩𝙝𝙪𝙥𝙝𝙖 𝙣𝙜𝙖𝙝 𝙖𝙝𝙞 𝙪𝙝 𝙝𝙞. 𝘼𝙢𝙖𝙪𝙩𝙚 𝙠𝙪𝙖𝙢𝙠𝙚𝙪 𝙢𝙪𝙣 𝘽𝙖𝙠𝙖 𝙠𝙖𝙣𝙩𝙖𝙣𝙞𝙣 𝙖 𝙥𝙖𝙞 𝙡𝙖𝙞-𝙪𝙣, 𝙩𝙪𝙖 𝙠𝙪𝙖𝙢 𝙥𝙚𝙣 𝙩𝙪𝙞 𝙥𝙝𝙪𝙡𝙣𝙖 𝙢𝙪𝙣𝙞𝙣 𝙗𝙖𝙬𝙡 𝙪𝙝 𝙖, 𝙜𝙪𝙖𝙝𝙯𝙪 𝙞𝙣 𝙗𝙪𝙖𝙡 𝙖𝙝 𝙩𝙪𝙞 𝙖 𝙘𝙞𝙣𝙜𝙨𝙖𝙠 𝙝𝙞. 𝙇𝙖𝙩𝙚 84:5&6(𝙕𝘽)
"Baka" pen Hebrew kammal hi a, gimna-tawlna ahih kei leh khitui luanna genna hi. Eite in zong i kalsuanna ah kuam keu bangin thusia-lasia, gimna-tawlna i nawkkhak ciang tua kammal kizang hi. Ahi zongin Pasian in tua Baka nuntakna pen ciktui phulna munin a bawlna i bulphuh in hong hilh hi! I nuntakna ah gimna, haksatna a tuak ut kuamah omlo ding a, ahi zongin i khualzinna lampi ah om ahih manin i nawk teitei kisam hi. Pasian in zong baihlo ding ahih dan hong theihpih hi. Tua manin Baka nuntakna i zat laitakin Pasian tungah kinga-in, amah bel leng, a kamciam om bangin kuam keu mun pen ciktui phulna mun hong suaksak ding hi.
Tuni in nang zong kuamkeu mun bang ahi Baka nuntakna ah na om laitak ahi hiam? Kuamkeu mun bang ahi Baka nuntakna pen khantohna mun leh Pasian' thupha ngahna mun hi, hithei cih phawk in. Tua manin Pasian in bang hong musak, bang hong hilh nuam hiam dong inla, na thuakna tungtawnin thahatna leh hangsanna na ngahna dingin Pasian tungah ngen-in, ki-ap in.
𝐊𝐢-𝐚𝐩𝐧𝐚: 𝐓𝐨𝐩𝐚 𝐚𝐰, 𝐤𝐚 𝐥𝐞𝐢𝐭𝐮𝐧𝐠 𝐤𝐡𝐮𝐚𝐥𝐳𝐢𝐧𝐧𝐚 𝐚𝐡 𝐤𝐮𝐚𝐦 𝐤𝐞𝐮 𝐦𝐮𝐧 𝐛𝐚𝐧𝐠 𝐚𝐡𝐢 𝐡𝐚𝐤𝐬𝐚𝐭-𝐠𝐢𝐦𝐧𝐚, 𝐥𝐮𝐧𝐠𝐤𝐡𝐚𝐦-𝐬𝐢𝐧𝐤𝐡𝐚𝐦𝐧𝐚 𝐤𝐚 𝐭𝐮𝐚𝐡 𝐥𝐚𝐢𝐭𝐚𝐤𝐢𝐧 𝐧𝐚𝐧𝐠𝐦𝐚 𝐭𝐮𝐧𝐠𝐚𝐡 𝐡𝐨𝐧𝐠 𝐤𝐢-𝐧𝐠𝐚 𝐚, 𝐧𝐚𝐧𝐠𝐦𝐚 𝐝𝐞𝐢𝐡𝐧𝐚 𝐛𝐚𝐧𝐠𝐢𝐧 𝐤𝐚 𝐧𝐚𝐰𝐤𝐳𝐚𝐰𝐡 𝐧𝐚 𝐝𝐢𝐧𝐠𝐢𝐧 𝐭𝐡𝐚 𝐡𝐨𝐧𝐠 𝐠𝐮𝐚𝐧 𝐝𝐢𝐧𝐠𝐢𝐧 𝐉𝐞𝐬𝐮 𝐊𝐡𝐫𝐢𝐬 𝐦𝐢𝐧 𝐢𝐧 𝐤𝐨𝐧𝐠 𝐤𝐢-𝐚𝐩 𝐡𝐢. 𝐀𝐦𝐞𝐧!
No comments