GNFA: Tripura Mission Nnasepna July Report Tomkim

GNFA: Tripura Mission Nnasepna July Report Tomkim

Amasapen in I Lalpa Jesu Khrist' min in chibai ka hung buuh uhi!

Kipahthu genna leh hamteina ding point tamlou ka hung taahlang uhi:

1. Na hung hamteipihna uh leh na hung supportna te uh ziah in Covid natna hii leng kawmkal lah a kikhopna, counselling leh hamteisahnate buaina bangmah umlou in paitou thei zel a, hu ziah in kipahthu ka hung gen uhi.
2. Kou zong August first week a mission field tungsuh kit ding chih hilezong damlouhna in innsung nasa tah a hung nawh khah ziah in tutan in Mission Field ka zuan thei nai sih uhi. Damtah a ka paisuh kin theihna ding un na hung hamteipihna uh ka hung ngen uhi.
3. Ka seppih uh Anonto Reang leh innkuante hamteipih ni. Bawl ding leh sep ding dan te hilh in kouhtuam nakem tou zel hi.
4. Limlah a i muh bang in unaupa Galkuram Reang khu a keng zeng ahi a, hamteina va ki neihsak zel a, a hung damna ding leh Khrist nungzui a hung suah theihna ding in hamteipih ni.
5. Tulaitah in innkuan 6 apan in mi 10 counselling kipe lel a, mi 8 ten Khristian a um a hung lunggulh theih ziah un kipahthu gen ni. Amaute khanglai ngen ahi tangpi ua, kikhopna a zong hung tel ta uhi. Ka tunsuh chiang un amau toh counselling khat nei kit ding ka hi ua, hamteina ah phawh ni.
6. Khristian a hung lunglut mi 8 te 1)Rohit Kr Reang-17yrs. (2) Hamsorung Reang -15yrs.(3) Khumsangrung Reang-16yrs(4) Sostirung Reang -14yrs (5) Mundia Reang-16yrs (6)Monia Reang-14yrs (7) Isarung Reang-13yrs (8) Chandra Joy Reang-34yrs te ahi uhi. Kipahthu gen ni.
7. Khanglaiten Baptisma toh kisai in hahsatna na tuah tangpi uhi. Tunitan a khanglai Khristian hung suah bangzat a hiai khat Baptisma piah ding um te zong a nu-le-pa te phalna lou in kipia ngam lou hi. Doudaltuten case a hung bawl khum thei ahi ziah uh ahi. Hamteina a phoh ni.
8. Unaupa Babujoy Reang leh a zi Sigolti Reang te zong counseling ki nei zom zel a, dawi leh kau biahna a hung taihsan theihna ding un hamteipih nalai ni.
9. Children ministry zong paitou zel a, gospel laa zilsahte kikhopna hun a special no. pe zel uhi. Naupangte kithalawp thei mah mah ua, Naupang hung tel khenkhat te a nu leh pa te uh Hindu hi nalai uhi. Hamteipih ni.
10. Limlah a i muh bang in Guwahati a kipan a deihsahtute' tungtawn in mission field a gingtuten covid relief mu ua, kipah talua uhi. Lalpa'n amah leh a seppihte aleh tampi a a malsawm na ding in hamteipih ni.
11. Mission field ka tun suh kit chiang ua Biahinn leh quarter lamna ding land levelling bawl a, ginna toh nnasep kipat sawm ahih ziah in na hung thumpihna uh leh na hung panpihna uh ka poimoh gige ding uhi. Hamteina ah zong phawh ni.
12. Natna hiileng lah ah Lalpa' vengbitna zal in semtute leh gingtute ka hoih tou zel ua, hagau mangthai te lah a Tanchinhoih hangsantah leh fiahtah a ka gen tawntung theihna ding un phatuam ngaitah a na hung hamteipihna uh ka hung ngen uhi.

Lalpa'n hung malsawm hen!

Khrist aa ding a semkhawm,

Thang & Ching
Good News For All (GNFA), Tripura
Ph. 8974099164

View More Photos

Also Read

June 2021 Report
August 2021 Report
Progress Report
Prayer Request