NA GAAH (FRUIT) MUTHEI DING BANG A UM EI?
NA GAAH (FRUIT) MUTHEI DING BANG A UM EI?
Nisim Manna
Bulphuh: Azingni in hichi ahing hi a, Mosi theipina biehbuh sungah ava lut a, tualeh ngaiin, Levi phungte a dinga Aaron chieng khut aseldoh a, apah amum a, kawlthualu ana gata hi. Kisimbu 17:8.
Israel mite sung ah, Korah leh a pawlte'n Moses leh Aaronte' thuneihna ang doupanta uhi. Tam ziahin Korah leh apanpi apawlpi zousiah a innkuante uh tawh leitang in valh tumta hi. Korah leh a pawlte sihna ziahin mipite'n Moses leh Aaronte' phunsan niainuai uh ahi man in Pasian' a thangpai a, mihonpihte tungah gimna lianpi tunin mi 14,700 si uh hi.
Tualeh mite phunna a beisah na dingin Israel minam 12 te panin chiangkhut khat chiat hing tawi ding in phuutin um uhi. Tua ciangkhut 12te Moses in la in kikhopna puanbuh sungah koih hi. A zingni in a et uleh Levite beh-le-phung a patin Aaron' ciangkhut beb khu a hing seldoh a almond min gah a na gah hi. Tami'n Israel mite sung panin a makai ding uh Pasian in a teel pen a kitheihna ahi hi. A ciangkhut hing a gaahkhiatna in adangte tawh a kibatlohna ensah hi.
Tuamahbang in tuhun in zong Pasian teel makai a um mah bangin a kibawl tawm makai zong um hi. Pasian in thuneihna a piah mite in gah hing suang ding uh hi. Kivauna, kiliatsakna, mite theih dinga kiphoukhiatna in makai hihna kipsah tuanlou hi. Pasian ngei in a piah makaina a nei mite pen a gahte uh panin kithei ding hi (Matt.7:20). Makai tahtahte in mite na' sep sah uh a (Mk.10:44), amau Pasian bangin kibawl lou uh hi.
Ki-latkhiatna: Mangpa aw, Nangma teel makaite langpanlou in, phunsanlou in, amaute a ding a dongkholh kasuahlouna ding in Jesu Khrist min in kang ki-lan hi. Amen!
No comments