PASIAN IN NA KHANKHUA DING A GEELZOUTA

PASIAN IN NA KHANKHUA DING A GEELZOUTA
Nisim Manna

Bulphuh: "Naubu sungah ka hing siam masangin, nang ka hing theita hi; na pian masanga ka hing suhsiangthousa na hita hi, Namte kunga guolnei hi dingin ka hing guotta hi," achi hi. Jeremiah 1:5.

Mangpa in Jeremiah a pian ma nangawn in a teelzouta bangin, Samson (Vaihawmte.13:1-5), Baptisttu Johan (Lk.1:15&16), Paul (Gal.1:5) leh nang zong hing teelzou thamta hi. Late 139:13-16 sungah i muh bangin na nu sung a na um lai nangawn in, tel-le-vou nanei masang in -- tuisih a na umlai na ngawn in Mangpa'n na khankhua ding a geeltup zouta hi. 

Tamte ziahin, leitung ah mawh a piang kha hi zenzenlou na hi. Pasian in adeibang bolkhe ding a deisahtah a ang piankhiat sah na hizaw hi. Tuaziahin, Pasian deidan na hinsung a na pichin theina dingin talent hoitah zong ahing kemsah hi. Tamte ziahin, na damlai sia Pasian in ang deisahna bang a na nuntaat/hing (living) thei leh mi hampha leh lawchingkhat pen na hi mai hi. 

Pasian hing deisahna bang chi'n itheithei ta diai leh? I hinkhua Pasian tung ah i ngah a iki pumpiah a, ama tung a iki latkhiat nah leh i nuntaahna a thupiang tuamtuamte Pasian in ama deihna lam ah hing heisah ding hi. Tuni'n ihinkhua ah Pasian deisahna tan i tung nai? Pasian deina bang ahiei chi ithei chiang tahtah na uh ama? Na hinsung a mi hampha leh lawching na hi ut leh na hinna Mangpa ah laankhia in.

Hilchetna

Eima Pasian kung a ikipumpiah ding khu i duty ahi a, tua hileh Pasian in ama deidan lampi ahing hil ding hi. Kilatkhiatna/kipumpiahna kichi khu sildang hilou in, Pasian deidan chouh a nungta ding leh hinkhua zang ta ding a kipiahkhiatna khuh ahi.

Ki-latkhiatna: Mangpa aw, ka hinkhua tungtawn a deina nei a nang piansah ahi ma bangin, nang deisahna ka theichetna dingin Jesu Khrist min in kang ki-laan hi. Amen!