GNFA: Tripura Mission Nnasepna August Report Tomkim
GNFA: Tripura Mission Nnasepna August Report Tomkim
Amasapen in I Toupa Jesu Khrist' min in chibai ka hon buuk uhi!
Kipahthu genna leh thumpih ding point tamlou ka hon taaklang uhi:
- Na hon thumpihna uh leh non support na te uh ziak in kikhopna, counselling leh thumsaknate buaina bangmah omlou in paitou thei zel a, huai ziak in kipahthu kon gen uhi.
- Unaupa Galkuram Reang a ahih le BP ziak a a taklam khe zeng hi ding in gingtak a om a, tun a tak lam khe me u a hong meima khia hi, chialpina leh thumna ka va neih sak ua, thumna ah phawk lai ni.
- Apaisa August 21, dak 2:00 pm in Mission field a ka lawmpa uh Jona Reang' tapa kha 2 vel ding mi in honna beisan hi. Innsung mite thumna ah phawk ni.
- Gingtu thak mi 8 te September kha sung in counseling ki piak suak sawm a, huai ban ah Baptisma tang dia kimante leng Baptisma Counseling ki pe tou zel ding ahih man in non thumpihna uh kon ngen uhi. A diak in tuailai, nu-le-pa Hindu hilai ten innsung a haksatna tuak tangpi ua, Baptisma tan ding leng a phal kei uhi.
- Bangmah neihsa ki ching om kei mah leh Pathian muang kawm a tamlou i neih te uh toh Biakinn leh quarter lamna mun ding a land levelling pat ki sawm hi. Biakinn leh quarter lam khiak na dia Pathian in a poimoh bang zel a hon piak zel theihna ding in thumna a non phawk uh kon ngen uhi.
- Pathian in hun hoih a hon piak touh zel leh Saturday teng nitak dak 3-5pm sung children ministry kipat som a, basic education leng pat non ding dan ki ngaihtuah lel lel hi.
- Kou leng mission field ka tungsuk non ta ua, gingtute leng chidamtak in na om uhi. Thumna ah gingtute phawk zel ni, GNFA staff te Local Evan. Anonto Reang leh innkuante leh kou nupa a ding in thu honna ngetsak zel un aw.
Khrist aa dia semkhawm,
Thang & Ching
Good News For All (GNFA), Tripura
Ph. 8974099164
View More Photos
No comments