I HAKSATNATE EI A DING IN MEETNA HIZAW

I HAKSATNATE EI A DING IN MEETNA HIZAW
Nisim Manna

Bulphuh: Mitphetkaal sung ka gimthuohna uh jang noukhat in kumtawn thupina gihzaw ahing bawl piah zing hi. 2 Corinthians 4:17. 

Pasian in hahsatna ituahte tungtawn in hing siamhoi juijui hi. Tamma bangin Jesu in zong "Leitung ah hahsatna na thuah ding uhi" - John 16:33 chi'n ei genmalawhta hi. Late 34:18 na in i hahsatnate pen Pasian tawh iki nai semsem na ding ahizaw hi chi hi. Etsahna dingin Daniel humpibahnei kul sung a khumna, Joseph a thong kiahna/taanna, Jeremiah tuikul sung a khiahna/khumna, Paul along tuanna thumvei vingveng kisiatna leh bol genthei athuahnate, Hebrew mi thumte meikuang lai a aki pailutna tamte i baan et leh hahsatna thuahlou a umtheina mun ah Pasian in a iit te hahsatna ana thuah sah leng dan imuthei hi. Tambang hahsatna athuahnate ziah un Pasian toh ki nai semsem na anei lawh uhi. Baanah Pasian tung chouh a ki ngah ding ahi dan a langsah semsem zaw hi (2 Kor.1:9).

Tuni'n bang hahsatna na tuah a? Pasian theilou a piang khat zong umlou hi. Bangziah e ichi leh ihahsatna te khu Pasian in ama meel sutna ding a ang seepchiilna leh ang lamthahna ahizaw hi. Tuaziahin lungkelou in kukalna toh thuah hat zaw vai in, Pasian lemgeel theisiam zaw sem ding in Mangpa ah ki-lankhe vai. 

Ki-latkhiatna: Mangpa aw, hahsatna ka tuah zeelte uh tungtawn a silhoi na lemgeelte hing theichian sah inlen, thuahzoutah a na lemgeel dan katheisiam theina ding in Jesu Khrist min in kang ki-lan hi. Amen!