Khaatna Apat Ki Hemkhia In
Khaatna Apat Ki Hemkhia In
WAY2GOD
Late 90:12: Ka damsung nite uh simdan hing hil in, pilna lungtang ka nei theina ding
un.
Israelte a ding a zawlnei lianpen a ngaisut, Mosi, thuumna ahi. Pasian apat
pilna leh theina aneite zangin tambangin thuumna kamteng agenkhia hi
mihingte damsung tomnoukhat ahi a, zingmawng a paahpeh paah nitaahlam a
vulpai toh kibang ahi giap hi. Damtheina pangai neimite a ding in damkum 70
vel ahi a, ki kepsiamna zaalin kum 80 zong ahithei hi. Hinanleh, hindan hoilou, khandan hoiloute ziah leh Pasian program ziahin kum 70 masang a zong sitheitham ahi hi.
Tunia i gen ut pentah uh ahi leh i hinkhua uh a dengdel mama a, tuaziahin
leitung i hinsung uh tom mama napi in a manpha mama mai a zong a hawmthaw huai
mama hi. Tuaziahin, sawltaah Paul in Ephesa 4:31-32 na a agen bangin,
eima a umte koikhe vai, aziahpen tambang khaatna in i hinkhua uh damsahlou in suna semsem zaw hi.
Tuaziahin tambangte sang in
khat-le-khat ki ngaidamtuah chiatin, ki ngainatna toh tomnoukhat i damsung
un silhoi ki bawlpiah tuah chiat zaw va ui.
Tambang khaatnate apat damna ineithei na ding un
Mosi thunget bangin tuni'n eiten
zong hinkhua tomnoukhat nei ihi giap dan i theisiamthei na ding un
Mangpa-pilnapepa
kung ah damsung nite simsiamna ngen vai. Tomkhat i
damsung kisiatna, kihauna, ki-elbawlna, kigensiatna, kihazatna, leh khaatna
chinteng tawh hinkhua zang dingin kiphal huai hetlou hi. Tambang khaatna te i koikhiat
masang siah uh natna in ihinkhua uh a dim ding hi. Hinanleh ki ngaidamtuah a,
ngainatah a khat-le-khat tung a silhoi iki bawltuah tah chiang un damsiangna
ineithei pan ding uhi.
Tuni'n na hinkhua a damthei ei? oleh natna toh hinkhua zang nama? Tamna igen
pen tahsalam natna hilou in hagaulam, lungtanglam natna ahi zaw
hi. I hinkhua ah mizousia ikipaah sah zou sih ding hi chi thei masa vai.
Tuaziahin, mite'n eitung ah khaatna mama nei nan uleh eipen midangte tung ah
bangma khaatna neilou in ngaidamna toh hinkhua zangpou lei khatvei dam ihi mai
hi.
Mi hoiloute ziahin ki lungkhamsah sih vai in, alampi te uh zong va zui da lei
i dampen mai ding uhi. Eima apat khaatnate nuaimit zel in,
iitna, khotuahna, ngaidamnate gasuang sah zaw ding in tomkhat idamsung
un
damsung nite simsiamna pilna lungtang Mangpa ah ngen vai.
Thuumna: Mangpa aw, keima a khaatnate ka nuaimit zel a, ngadamna leh
khotuahnate'n ga asuang zawh theina dingin damsung nite simsiamna pilna
lungtang hingpe dingin Jesu Khrist min in kang ngen hi.
Khaatna - Eph.4:31-32.
Khaatna ichi pen lungsim, lungtang, hagaulam hi'n tahsalam tanpha a natna china ahi mai hi. Tamte pen siltampi apat piangdoh thei ahi a, adiah in thangpaina, lungthahna, kihauna, kigensiatna leh gitlouna zousiate apat in piangdoh ut diahkhol hi.
Tamma bangin khaatna apat damna ding lampi zong tampi um a, tuate lah a step hoi mama khenkhatte ahi leh, Pasian in Jesu Khrist tungtawn a eite ang ngaidam bang a eite zong Khat-le-khat ki ngaidamtuahna ahi.
Tamma bangin khaatna apat damna ding lampi zong tampi um a, tuate lah a step hoi mama khenkhatte ahi leh, Pasian in Jesu Khrist tungtawn a eite ang ngaidam bang a eite zong Khat-le-khat ki ngaidamtuahna ahi.
No comments