Mipilte Bitna Khu Mangpa Ahi
Mipilte Bitna Khu Mangpa Ahi
WAY2GOD
Bulphuh
Mangpa min khu innsang dettah bang ahi a, midihtatte atailut, ua, abit uhi.
- Thupilte 18:10
Pasian zauna toh A dan thute zuilou mi khu Mangpa a din mingol ahi a tuabang
mite kamham in kinialna apiangsah a, akam ham un zepna (punishment) a haan
zobou a, thamlouin amau mama a ding a thangkam (trapping) a suah uhi ( v.
6-8).
Hinanleh Mangpa deidan leh A danthute zui kinken mite pen Mangpa mitmu in
midihtatte ahi ua, Pasian muang a, Adanthute hinpi mite ahijiah un Mangpa ah
bitna anei uhi aziahpen Mangpa khu midihtatte a ding in bitna kulpi bangsang
ahi a, Mangpa danthute zuina khu akupi dettah sung a tailut leh kibu china ahi
hi.
Siltheina leh huahpilna pen sapten intellectual achi ua, tuapen leitung
mite adin mipil ahi a hinanleh tambang pilna nengkhat zong neilou hinanleh
Pasian dan te Mangpa muanna toh a zui kinken mi khu Mangpan mipil achi bou
hi.
Khovel mitmu a pil hi sang in Mangpa mitmu a mipil hi zaw ding in Mangpa ah
kilankhe vai.
Thuumna: Mangpa aw, na mitmu a mipil leh midihtat kahitheina
dingin na danthute zui kinken zou dingin napanpina ngai in Jesu min in
kang ki-lan hi. Amen!
No comments