Pasian Deidan Bang Ahia?
Pasian Deidan Bang Ahia?
WAY2GOD
Bulphuh: Kithoina sangin khotuahna (mercy) ka dei zaw a, halmang
kithoina sangin Pasian theina ka lunggul zaw hi - Hosea 6:6.
Pasian in bangziah a tambang thute Hosea tungtawn a Israelte kung a agen ata
diai? Israel te'n Pasian biatna a tawpsan uh khat ama leh?
Kumpi Saul hunlai bangin Israelte'n Zawlnei Hosea hunlai in zong Pasian biatna
a tawpsan sih ua, nidanglai bang veve in Pasian biatna apaizom tou hi.
Hinanleh Pasian in tambang a agenna ziah ahi leh Israelte'n Pasian maipha asui
ua, alungkim theina ding lampi naahtah in angai tuah uhi. Hinanleh Pasian
deidan a khat-le-khat kingaidam tuahna, khat-le-khat tung a iitna toh,
thumanna toh, lungsimtah ah silhoi bawl na anelsiah uhi. Tamte ziah mama in
Pasian maipha asuinate uh Pasian in pomsah sangsih in kidah huai asa zaw giap hi.
Tekhinthu khat gen vai, mi khenkhat, nna i sepkhawmpi te'n bangma abawl duhdah ut
sih ua, hinanleh i tung a vaihawm (eg. manager or supervisor) te mumu na ah afel
a fel bangin agamtang zel leng uhi. Tambang mihing khu Pasian in a muchian
mama a, atung uah a kipah sih a, kidah huai leh huat huai asa zaw hi. Aziahpen Pasian in, midang gensiasia in Pasian phat a diang zelte khu ahua a, midang natna ding bawl ahivang a zapi (mipi) thei a hepina nei mama hileh kilawm a hinkho zatna zong Pasian in a ho mama hi.
Tambangte ziahin Pasian in lungtang apat hing kuandoh
thumanna, iitna, khotuahna, ngaidamna, hepina, silhoi bawlna, thutahna,
dihtatna leh adangdangte ihinkhua ah sulang dingin ang haanzaw hi. Bangziah e ichi leh Pasian in lungtang a enchian a, tuaziahin lungtang a pat hing kuan doh silhoibawlna khu Pasian in adei giap hi. Tambang a lepchiatah a kalsuanna te
tawmsan ut a, Pasian deina bang chouh a kal na suan ut leh Pasian mai ah tuni
mama in na hoilounate kipuang khia in. Aziahpen Pasian a kinuale mite a dingin
Pasian khu aginum a, i gitlouna teng ngaidam dingin mansa ahi a, thamlouin i
siangthoulouna teng zong sop siang ding in mansa ahi zing hi - 1 John
1:9.
Lepchia tah a kalsuanna taisan a Pasian deidan bangtah a chitahna toh kalsuan
zaw ding a kibulpat tha thei dingin tuni'n Mangpa ah ki-lankhia in, tu khu
hunkipaah um leh ahun lai pet ahi.
Ki-latkhiatna: Mangpa aw, lepchiatah a kalsuan hizawlou a, lungsim
tahtawh hepina, lungsiatna, thutahna, silhoibawlna kaneithei zawhna dingin
na panpina ngai in Jesu Khrist min in kang ki-lan hi. Amen!
No comments