Pasian Giing Mi Leh Giinglou Mi
Pasian Giing Mi Leh Giinglou Mi
WAY2GOD
BULPHUH:
Mangpa giing pum a, alampi zui poumate'n nuam asa ding ua, akhut sep gim
ga ane ding ua, kipahtahin a um ding ua, navah tahin zong a um ding uhi -
Late 128:1-2.
Pasian in Ama mitmu a hoite kungah
pilna, theina leh, lungnopna apiah hi, hinanleh mikhiate kungah
pen, Pasian masanga mi hoite kunga apiah theina dinga, lakhawm ding leh
kholkhawm dingin sepgimna apia hi. Tamte zong bangmalou leh hui nuadel
bang giap ahi - Thugenpa 2:26.
Mihingin isep bangbang leh ibol bangbangin aga i aat ding uhi. Tuaziahin mi
koipou Pasian giing pum a kalsuan leh Pasian giinna neilou keei a kalsuan mite
sepgim ga aat ding te khu a kibang sih ding hi. Tam a tung a Laisiangthou
taangteelte pansan in kikum jual vai.
Mangpa giing mi leh Mangpa deidan a nungtate pen bukim hisih nan uleh, a
hitheina zaza ua Mangpa a dia nungta vevote ahi ziah un i Mangpa'n
midih leh mihoi a apomte ahitaah ziah un,
pilna, theina leh, lungnopna a pe ding a
thamlouin a sep gim gate uh nuamtah in a aat ding ua, kipahtah in a um ding
ua, navah tahin zong a um nalai ding uhi.
Hinanleh, Pasian dedan a nungta utlou a, hinkhua zang mite pen Pasian dou ana
hi gige uhi. Tuaziahin a sepgim gate uh aat nan uleh a zaal azou kha sih ding
uhi. Bangziahin e i chi leh i Mangpa'n tambangin a gen hi,
"i Mangpa'n, Pasian masanga mi hoite kunga apiah theina ding ua, lakhawm ding leh
kholkhawm dingin sepgimna mikhialte kung ah apia hi - Thugenpa 2:26 [word
formation - my style]" Tammi in agennop ahi leh,
mikhialte in gimtahin nna a sem ua, hinanleh Pasian mitmu a mihoi te'n, tam
mikhialte sepgim gate a ki-aat uhi. Tuaziahin mikhialte sepgimna khu athawn ahi a, hui (air) nua del bang giap
ahi uhi.
Pasian giinglou keei a kalsuan kha ding chizathuai ahi dan theisiam mamata vai
maw? Tuni'n na hinkhua in bang lampi azui ei? Koima leitungah a bukim umsih
nanleh Pasian mitmu a pomtaah leh midih ihi na diai? I hitheina zaza a
Pasian lampi zawt vevo te khu Mangpa mitmu in midih ahi leng uhi. Tuaziahin
Mangpa mitmu a midih leh mihoi na hi nuam ei? Pasian kipaahna mimalte leh
innkuante hithei dingin tuni'n Mangpa ma ah ki-lankhe vai.
THUUMNI
Mangpa aw, na mitmu a midih leh mihoi ka hi a, na lungkimna mimal leh
innkuante ka hi theina ding un, na deidan a ka hinzawhna dingin Jesu
Khrist min in kang ki-lan hi. Amen!
No comments