Oh, why So Much Disguising on the part of our Savior! A kiphual Hundampa

Oh, why So Much Disguising on the part of our Saviour!

Pastor Dr. Dongza Thawng

Devotional # 132 (Vol 3)

Fellowship of Thirsty Souls n Hungry Hearts 

Thirsty Souls Member te Mangpa Lungmuanna na tung uah umta hen!

Jiribam District a Sejang Baptist Church apat in Jingkal pha!

Mangpan tunin  ahing nutsia sa ahitah le zong hing ve kia ta hen!

Tuni Topic :Oh, why So Much Disguising on the part of our Saviour!

Or Oh a Disguising Saviour of the Universe 

Tulai Jiribam lam a Sejang Baptist church ah Revival leh Seminar in Rev Haozalian manlun toh ki mang ung e. Tuni ka progm pi uh kichai ding hita. Jing ah nop tah in tawldam va ung in, nitah chiang hun khat jang nalai va ung. 21st Dec. ah Shillong lam juanta va ung e.

Tutung ka topic te ahileh:

1). Has Christianity (or the Gospel) Failed Us? Five  points.

2). Family under Attack; Fight for your family.

3). To Make our Homes the paradise: point 10 te:

4)  Blessing our Children

5). You will never be  outgrown the need for the blessing of your parents

6). The role of Mou-te for the Father’s blessing to continue to our children

7) The presence of God: Koi te Pasian in umpi ding? Point 7.

8) Emotional Healing and Freedom that comes from Forgiveness 

Hite ahi taangpi hi. 

Pasian mi mama khat toh kithua ka hi jiah in jing kal 4 AM chiang thumna nei pan ta ahi jieh in kei jong ama jieh in ka thou bai deu a himi message gel na di hun ka mu hi.

Tumalam in Shillong ah Evan Sanju Hmar speaker hina toh VBS ka nei ua ka tate ni 4 sung vingveng sunni tum a lasa a ki tawm, adiah in ka ta neu pen Khum Rimoi ka et chiang kaki pah sengseng in ka lungkim sengseng hi. 

Tulai ka progm jatna uh khuo Sejang nop na maijen e!

Ei Lamka lam ten i etton ding uh: miten pastor or speaker team te ki ngah na ding guest house hoi tah Church toh kinai nei uhi. Himun ah  hagau lam a ka guru ka siapa u Haolian toh ka ki nga ua thum khawm leh  ki houlimna hun nop tah ka mang uhi.

Alang khat ah Door of Hope te saina in Gothol a Elizah Prayer Mountain a Dr Khaizakham speaker hina toh camp um lai ahi. Himi Camp pen Zoveng ZCBC church a August a um ding a local pastor toh guatsa hinapi lemlou in October adin ki suan kia hi. Tua jong lemlou kia hi. Ada huai mama hichia aki suansuan na ah camper ding a ina dei mama ahing na mualliam san jong umta hi.

Tutung in himi Camp khu mitampi in hundamna amuna mun suah tahen!

Tu in topic ah lut ta lei: Bang ding a I Hundampa, Vannei hundampa in hi bang lomlom a hung ki phual a, hing guh pai a, hichi daai lawmlawm adiai???

Enjoying GOD gelpa in “if I were God, i would have had a major light show to usher my son to the planet. It would have been complete with a booming voice and sound effects - to show that only God could pull off. Yet Our God is so out there that He showed up as an INNOCENT baby” Pasian in atapa leitung a ang sawl in Vanlai jawl ah show thupi tah toh hing kumsah leh kilawm hia bang ding a Bongbuh namsie leh vot lah a, ahing piansah adiai?

USA president gam dang ajin ding chiang a gampumpi avai dawn ding in kising sah hi. Prime Minister pa in State khat a veding chiang A state pumpi ki sing sah hi. Bialtu MLA mai jong a bial ve ding chiang a khuo te ana ki singsah hi. Ahileh bang ding a Vanlal tapa, Lei leh Van a thunei pan leitung a ang pian a hichi ki phual a, a hichi guuh bawl adiai? Apianna, a khanletna i en a, a ki phual chip dan, a ki tahlatlou dante i et chiang thei siam hahsa hi. Tu in jong aning lam leh a behind the screen lam ngen ah che hi.

Ni tah lam ni tum kuan in kaang nou nou in ginglou te  lungsim kot kieu hi. Bangma tallang leh show off in bawl mongmong lou hi. Mi ngai thei, mi jui thei, mi bop thei na power kiching nei na pi tua power jang mongmong lou in mi etlalou leh deitheilou, mi mutheilou ding in a ning lam, a nunglam ngen ah ki phual hi. 

Philip Yancey in Divine Shyness chi hi.

Henri Nouwen in

“Somehow i keep expecting loved and impressive events to convince me and others of God saving power; but over and over again i am reminded that spectacles power play events are the ways of the world, our temptation is to be detracted by When I have no eyes for the sweet signs of God’s presence the smile of a baby, the carefree play of children, the words of encouragement and gestures of love offered by friends- we will always remain tempted to despair. The small children of Bethlehem, the unknown young man of Nazareth, the rejected preacher, the naked man on the cross, he asks for my full attention” ..eiten thupi mama ingaite ukhu Pasian paidan ana hikhollou hi.

Henri in agen jelna ah “In an all-embracing mercy God chooses to disarm the power of evil through powerlessness” Bangchi dan a Melma thilboltheina suh mang na dinga hatlouna ajat ade aw?

“What was and is God's response to the Diabolic power that rules the world and destroys people and their lands? The answer is a deep and complete mystery because God chose powerlessness. God chose to enter into human history in complete weakness”

Pasian in Khelna suhbeina ding leh melma nasep suhsietna ding in hatlouna topkhoh toh hing kipan hi. “There is not only a powerless birth and a powerless death, but a strange as it may seem- a powerless life” “the powrless of the manger has become the poweless of the cross” Apian dan khu bangma bawl joulou naungeh in hing kipan hi. Naungeh khu mitung a kipum ngap ahi. Mi hepina hing maimai ahi. Hibang a dengdel leh bangma boltheilou, jawngkhal naupang in hing kipan hi. Atawp ah cross ah bangma boltheilou bangin shi kia hi.

 A hinkhua pumpi jong bangma boltheilou, boljoulou- mihing toh kibang ahi. Si-al te, Vasa tuh lou lou mihing ka hi chi hi. 

Henry Nouwen in Mathew bung 5 khu ama tanchin kigenna ahi chi hi. I Mangpa Vanlal tapa, Angel simsenglou te ama sawl leh thupiah ngah a second a ready uhi. A man akhut ah Van leh Lei tawi hi. Doiten lau in chitun uhi. Tuithuuh te leh mualsaang te ama awsuah a kuun uhi. Gamsa ten ama ann piah ding ngah uhi. Khawvel lalleh vaihomte ama piah ahi. Huah pil pen te ama akipat amu uh ahi. Nuclear van teng aman a second khat in suse thei a. Leitung a galvan hoi penpen te in kap uleh aman feel lou ding hi. Ama tung ah thunei na pilna leh silboltheina teng um a. Ama thulou in bangma pianglou hi. Kumpi te galvante namte gamte ama hepina ahing maimai ahi uhi. Ahia bangding a hibang lom Vanlal tapa in hatlouna, bangma bolthei louna, jawngkhalna a teel joh adiai??

Henri gensah vai:

*God wants to come close, very close, so close that we can rest in the intimacy of God as children in their mother's arms. Therefore God became a little baby. Who can be afraid of a little baby?”

“How can we fear a baby we rock in our arms, how can we look up to a baby that is so little and fragile, how can we be envious of a baby who only smiles at us in response tour tenderness? That's the mystery of the incarnation. God became human, in no way different from other human beings, to break through the walls of power to total weakness. That's the story of Jesus”*

Bangjiah a hat louna khu Bangkim bolthei Pasian in ahing teljoh adiai? “And this weakness opens for us the way to the heart of God” Chita daih hi.

Philip Yancy in “The master of the universe would become its victim, powerless before a squad of soldiers in a garden. God made himself weak for one PURPOSE: to let human beings choose freely for themselves what to do with him” tun kichiang ta maw! Eiten i deitelna hoideu ijat theina ding un Aman chance hing pia hijaw hi. Muthei a thupina leh show off in deitelna liakhu mang jel hi.

Himi hatlouna khu Yancy in “ Do we look at Jesus’ powerlessness as an example of God's impotence or as proof of God's love” Pasian khu bangma boltheilou tahtah adiai! Hibang lom a naungeh bang a ahing pian a hinkhuo genthei tah a ahing tuah a, atop a cross a bangma boljoulou bang a migiloute khut a khendet a ang umkhu??

Bangdang jiah hilou. Nang leh kei ahing it jiah ahi. Ih hagau uh ahung tatkhiah ut jiah a hitan liang a hing ki su neu ahi. Khujiah in ka prof pa in agen jel “Never underestimate the power of powerlessness” Achi khu dih hi.

Benhur film i et leh Benhur in Messiah khu Rome kumpi susie a Ama lenggam tungding ding in lam en hi. Jesu bolthei neilou bang aki khen den amu chiang a kinepna teng bei hi. Ahin tunia ithei ding I Mangpa Jesu'n mutheilou in lungtangte ah vaihomta hi. Mutheilou lenggam thupi tah tungding ta hi. Mailam ah muthei in vai hing hom ding hi.

Tunia igen ut pen khu. Bang ding a Pasian in powerlessness leh weakness Khu atapa hinkhuo adinga atel e? A itna jiah leh eite toh iki jop thei na ding a atel ahi jaw. Ahileh tuni tan in jong himi vanjat khu a thiltup te suh tang tung na din a telnalai diai? Jinmang kulpi suh chip na djng in, leitung a evil (thilsie) suh beina ding in??

Teel tham tham. Hatlouna leh chauna tungtawn mai in athupi na langsah thei giap hi. Hatlou leh chau kisa te tung tawn chauh in Ama ki sulang jel hi. A hat kisa apil kisa te paikan leh nusia in hatlou lam lam ah ama pang hi.

Paul Brand in alaibu "In His Image" a British Christian philisopher pa GK Chesterton in Jesu Bethhehem bongbuh a naungeh panpi ngai tah a ang piang tung tang ah “ The hands that made the sun and stars were too small to reach the huge heads of cattle. And too small to change His own clothes or put food in His mouth. God, too, experienced infant’s helplessness” ( 289)

Khujiah in naupang te la in “ hatlou in ka hat chi hen” achi uah theoloygy thuuh tah um hi (RM ah full article ka gel ta hi). Tuni hibang lomlom i Hundampa aki phual khu a jieh ka thei siam ta hi.

A chitahlou, a pilvanglou, a lunglut tahtahlou ten mu theilou, mu joulou ding uhi.

Thupina mun leh Sil ging thawm letna mun te a suiten mu khalou ding uhi. Pudaang a um huauhuau lam ngen ngaisang ten miss ding uhi. Pulam thupi leh etlom, pulam pah leh taang mai en ten muphalou ding uhi. Thuuh deu a, mun sip leh dai, ama umna ding a ki lomlou gintat na lou mun te ah I hundampa disguise ana umding hi.

Tutung Christmas a Hundam toh iki mu ut tahtah leh munsip, daipam, mun noplou lam en vai. Mi thomhau mi liangvai, damlou jawngkhal, meithai taga, hagau lunglengte lah ah imu ding a, tuate dan in ana ki siam (disguise) ding hi. Nidan lai in Europe ah Martin kichi pan lamgei a votsa a tou khat a jacket apia hi. Jann in amang in tua a jacket khu I Mang Jesun ana sil hi.

Francis of Assisi khutdaw miphah khat sum pia, a kawi hi. Tua jou in tua mipha pa mang hi. 

I Mangpa Jesu khu tunin khutdaw, meithai, taga , tasam te lim in hing pai ding hi. Yancey in Finding un unexpected places achi bang in tunin i Hundampa in mun ki lomloulou leh lamet loulouna mun ah hing na ngah ding hi. 

I pilvanglou leh i theikhial in i miss ding hi. Tuni a thomlian ginginna, a taangtaangna, mei khutkhutna lam moh deldel sin. Ipil vang ngellou leh i mu hamsa mama ding a, i hundampa khu theikhial in I na nual kha ding hi. Tunin hatlouna teel a ki phual gu thei top a ki phual kawmkawm a hing pai hundamtu Pasian in munchin a hatlou leh tasam, liangvai leh thomhaute kimu pi tahen! Thomhau tah ajan daidap nuai a Belam chingte va kan masa pen hundam pa in i Hatlou leh i tualniam leh i tahsapna mun ah hing ki mu pi ding hi. 

I ki phual jou jaja in Aman hing dom sang in hing tah lang ding a tualeh Ama ki phualna mun a athuuh thei pen a iva sui bang jel in Ama thupina thuguh imu ding hi.

Tu tung Christmas a hina ki phual thei tan a ki phual Hundampa mu khiah som teitei ding in hanchiam vai e!

Topa Thupha!