Gingtu Mizia #01 - Paikhiat ding leh laahlut ding um

Mihing zousia in mizia neichiat uhi. Tuaziahin gingtute mizia dihtah khu bang-chi-bang ahiai chi gendan tuamtuam in agenthei ding hi. Tuni'n Jesu nungzui Peter tungtawn apat tamloukhat zilkhiat sawm vai.

Peter tungtawn apat kithuhilna tambang in imu hi. Gitlouna zousia, kisolbawlna zousia, lepchienate, kithangsietnate leh kigensiatna zousiate, eima mihin apat koimang a naungeh suahthate bang a hagau nawitui sieng bangma toh hallou lunggul ding in thuhilna imu hi . Bang agenna adiai?

Gingtute pen in agen bang a, Jesu Khrist a silsiamthate ihita ziah un, ihindanlui [Pasiandeilou dan a hinkho zatnate] toh hingkhom thei nalai ihi nonlou ziah ua tuabang hindanlui lepchianate, khaatnate, thangsiatnate leh atuamtuamte i mihin apat koimang angaita hi. Jesu Khrist a silsiamthate ihi ta uleh bang ding a hoilounate i mihin a umtheinalai adiai? Tambang, question hoitah ahi a, mitampi in atheisiamlou ziah un nungtolnate leh Hagau a khanmawna liantah a suahzel leng hi. Aziahpen, leimihingte khu Adam leh Eve hunlai apat Satan in a hoilounate ang chitute ihi ziah un tuabang hoilouna ei a um pen . Tuaziahtahin i Mangpa'n tambang hoilounate nouma apat un achi hi.

Tambang hoilounate i koimang zaw chiang in i mihin a ilaahlut ding khat a umkia hi. Tam ahi leh naungeh suahthate bang a hagau nawitui siang bangma toh hallou lunggul ding ahi. Tam in agennop ahi leh, Pasian thu-le-laa a ikhantou na ding a Pasian thugil/thusiang [eg. politic toh hallou pasianthu] lunggul a, hinpi ding poimaw china ahi. Aziahpen naungeehte'n nawitui siang ma adeikhop tah uh aneeh chiang un damthei in khangtou uhi. Hinanleh nawitui siang nelou in sildang zong ne hitaleh uh anatlaw giap ding uhi. Tuamabangin, gingtu thahte (new believers) te guah agenna ahisih a, gingtu kumluivot kichite zong ahuam ahi (all believers). Aziahpen, gingtu tamtah adiah a gingtu senior kisa mamate ahi Pasianthu khovelvai (politic vai) a kai kawikawite.

Gingtu khenkhat in mawltah a Pasian thu azui chiang un, Pasianthu a pil kisa mama leh senior kisa mama khenkhatte sang in gingtu kalsuan ding dan zuikha zaw un alang zel uhi. Aziahpen ipilnate, isiamnate, experiencete dungzuia gingtu hinkhua kalsuan ding ihisih a, puitu Hagau Siangthou pui dandan a hagau hinkhua zang dingte ihizaw uhi. Ngai vawi, i Mangpa Jesu Christ ngei zong leitung ang lengsungin amathu in nungta khalou a, Hagau Siangthou pui dandan in a shi todong in puitu Hagau Siangthou thu in nungtawntung hi.

Tuni'n ei gingtute zong eima pilna, theina leh bawltheina te ah iki ngahkha zel ziah un ki lampial in ki mangbang zel hi. I Mangpa Jesu bang a ei gingtute [piangtha zousia] puitu ding in Pasian silthawnpiah in i umta uhi. Tuaziahin ipilnate leh ibawltheinate khu ikalsuanding dan lamhiltu hizawlou in isung a Hagau Siangthou khu imapuitu ahizaw hi chi manghil sih vai. Tamthuhil bang a Hagau Siangthou mapuidandan a kal isuan ziah a Satan haichi tute ang pichin masang a i a Pasian deidan chouh a kal i suan chiang un Naungeeh suahthate bang a hagau nawitui siang bangma toh hallou lunggulte ihi theipan ding uhi.

Simtute zousia'n i theisiam guah hilou a, Pasian deidan a ihinkhua hing henglamdangtu hithei ding in i Mangpa'n hing gualzawlsahta hen.

1 Peter 2:1-2

"[Tuaziahin] gitlouna zousia, kisolbawlna zousia, lepchienate, kithangsietnate leh kigensiatna zousiate, koimang unlen. Naungeh suahthate bangin, hagau nawitui sieng bangma toh hallou lunggul un."
- 1 Peter 2:1-2.

2 Chorin 5:17

"[Tuaziahin] mi koizong Khrist a a um leh, sil siemtha ahita hi, sil luite abeita a, ngai un ahing thata hi."
- 2 Chorin 5:17.

Satan Haichitu

Satan in Adam-le-Eve hunlai a ama hoilounate eite tung a ang chitukhumte pen leitahsa inei laisia uh i neiden ta ding uhi. tahsa shina in ang taisan nonlou bang in. Hinanleh Jesu Khrist toh iki mutuah ni chiang un vantahsa nei in siamlamdang ihi ta ding ua tuani apat natnazousia leh hoilouna kichi zousia apat izalenna uh abukimta ding hi.
Jesu toh iki tuahkhawm ni ding ukhu silsiam chinteng a ding in izalenna i tang uh abukim ni ahi ta ding hi.

Seal with the Holy Spirit

Na hundamna uh thutah khantanhoi na zah nua ua leh na gintat nuah un Ama [Christ] ah chiemsa Hagau Siangthou a chiemte in na um uhi.
Ephesians 1:13-14.

Hoilounate koimang

1. Satan in mihingte tung a ang haichitute pen leitahsa umlaisia umden ding ahita hi tua zia a koimang ngai ahi
2. I mihin a siatna umsa pen koimang thei gual ahilou ziah a, hoilounate ang pusuah petpet chiang a apichin ma a suhbeijel ding ahi
3. Hoilounate beisah peipeilou a ipichin sah ngeingei leh hoilouna toh naahtah a ikisual ngai jel ding china ahi

- Rom 8:13.

Sutlup

1. Satan in mihingte tung a ang haichitute pen leitahsa umlaisia umden ding ahita hi tua zia a koimang ngai ahi
2. I mihin a siatna umsa pen koimang thei gual ahilou ziah a, hoilounate ang pusuah petpet chiang a apichin ma a suhbeijel ding ahi
3. Hoilounate beisah peipeilou a ipichin sah ngeingei leh hoilouna toh naahtah a ikisual ngai jel ding china ahi

- Rom 8:13.