CLINGING TO SOMETHING THAT NEEDS TO GO | FIGHTING HARD FOR SOMETHING WHICH IS NO LONGER TO BE YOURS

Fellowship of Thirsty Souls and Hungry Hearts
Devotional # 90 (Vol 4)
Pastor Dr Dongza Thawng

1 Samuel 16 “The LORD said to Samuel, "How long will you mourn for Saul, since I have rejected him as king over Israel? Fill your horn with oil and be on your way; I am sending you to Jesse of Bethlehem. I have chosen one of his sons to be king.”

Introductions:
Thirsty souls simtute na dam uh maw? Kei jong tulai South India a Bible college a crash course teaching pe ding ka hi jiehin ka subject ding ka ki sah khawl nalam in bangma dang bawl thei ding in ka um sih hi. Ahi vangin bangma kisa tahtah thei tuan sing. Hing thumpi vo.

TUNI THUPI Ah Lutvai:
Samuel in Saul kumpi dinga thau anu ni in akipah ding dan. Leng masa pen, melhoi, galhang leh leader muan huai mama mukhia ta hi. Kum hijat a na thumna ga, ana sep ga, Israel nam ten kumpi nei hita. A ut leh ama kitawl dam thei ta hi. Pasian hoi na e chilou ngal bangma gen ding umlou ding hi.

Ahi'n hunsawtlou sungin hibang mihoi ding a gintat, melhoi leh muanhoi mama dinga ki neppi Saul khu a hawm guah, ama a bangma umlou, MOTHORO tahtah ahidan hing mukhia hi. A huah a voh-eh um achite uh bang ahi. Hun hing pai jelin Saul in ajatjat hing bawl doh in, Pasian leh agam a ding a daltu lianpi hing suah mai hilou in Pasian mite buaisahtu leh Pasian lungsim mama nasahtu hing suahdoh hi. Ka neulai ua ka genjel bang un “a kivei pei (left turn) ata khuh” chi ahi. Umjie khu amanthai na ding lampi juanjuan hita hi. Hanglam te’n “a paipai ahita veh” a chi uh umjie khu Gari khat break umlou in taitai leh tua bang ahi ta hi

Leader khat himhim a hilou lam a ang um chiang, koi khu aminsie leh a pawna pen ahijel ei? Koidang hilou in ama thau ana nu, ama ana tungding, ana enkawlte tung a maijumna leh minsietna teng ki khuh sah masa pen jel hi. Hibang dinmun chiang ah abawlkhiel tute lah luhlul deudeu, lungtah deudeu, houpi thei jong hinonlou jel uhi. Ahivangin ama ana it leh laina leh a na tungding leh teelte khu, a thuahtu penpen ana hi jel uhi.

Ahin tunia i gen ut khu Saul hi zawlou in Samuel hi zaw hi. Samuel in tua hilthei nonlou a break kisia a paipaita mihingpa khu bangtan a kham sawm ding? bangtan anung deldel ding? Bangtan ihmulou a, Saul a dinga lung sialsial ding? Bangtan vulvul ding, bangtan kaa khumkhum ding? chi ahi.

Pasian in vang “Samuel aw, hunsah ta'n, ka paikhiat ahita. Ka nutsia ahita, ama toh ka chapter close hita. Buaipi non sin. Kei jong gimgop ing. Kisih mama ing hibang kana guat. Saul in kei jong hing minsesah mama. Tu in vang Midangkhat ka muta, A thakheel ding ka muta. Koima dang hilou in DAVID-ka lungtangbang chet pua khat ka muta hi. David lam ah focus bawlta vai” chi ahi.

Tunin society theising, Hattuam theising, innsung leh tate theising, thil khat himhim ana pandohte dingin tua nathil patkhiah khu manlou ang suah ding khu ngaingam huailou hi. Ajiehpen na hinna toh genthei chinteng thuah a nana pat ahi. Eg. hattuam phut khia, khua sat, organization ana phut khia, school ana pan, etc etc. Hun hing paijel in tua abul napat khu lamkai thahthahte in hing enkoltou in puaphat leh masawnsah sangin abanban in hing susie toutou uleh. Tu in pen si lah si lou, hing lah hing lou, thulahlou suahta mai thei hi. Ahilou leh hing khang huaihuai in masawn jungjung hi henla, ahi vang in nang pen aning a koima hetlou leh thulahlou a hing ki pampai bang ana hita leh bang na chi diai. Huchi zong ana hikha mathei ahi.

I gensawm pen khu Pasian in Kumpi Saul aguat in atheisa lou hilou hi. Ahivnagin mihing ama guattu Samuel adingin mahsa a lamdang sahlou theilou ahi. Aw talawmlawm mai! mihing khat hichi tan tun thei maw? chi'n lamdang sahna in dim ding hi. Ahi'n Pasian in Samuel kung a agen ut khu “Saul in a hun anei a. Ama poimaw hunchet aum a, Ama'n sep ding teng semjouta. Ama poimaw na hun kichaita. Tu khu David hun hita. Khujiehin Saul jiehin ki su lunggimgim nonsin, Chapter close hita. Chapter thah David ah kipan ding hita” chi ut ahi.

Tulai Nam leader vai leh Hattuam vai jong ahi. I na mukhiah, ina pat khiah hattuam or org photphot ki hah khiat sawmlou in ki tudet giaiguai hi. Mi'n hing donglou, min hing poimawlou sasa in ei va ki poimaw sah hi. Tua in leader thahte hing kilang ding kidaal mai hilou in mipi leh tua orgn masawn ding kidaal thei hi. Tuachia apai ding bang a ang pailou chiang a gimtu leh a thuahtu khu eima kihijel hi.

Pasian in apaikhiah sa, a nutsia sa, a dei nonlou, a umpi nonlou mihing khat or ogn or church khat en kiha khia utlou a, ki tu geeiguai a, ki pomtah den hi. Hakhiat a, tawldam tah a um dingin Pasian a ahing dei lai in i mihinglui in tuhkip sawm teitei hi.

Khujiehin AW Tozer thugente in singlianpi khat in ahing khet bang in hing kiliing sahjou ding hi. Born After Midnight ah “Let’s go off the defence” chi hi. “In the kingdom of God the secret way to lose something is to try to protect it, and the best way to keep it is to let it go” chi jiau hi. Pasian lenggam ah thil photphot I humbit tam sawm laisia I mangsah ding a, I hakhia or i potdohsah chiang i kembit jaw ding hi chi ahi.

“The Law of Keeping by surrendering and losing by defending" is revealed by our LORD in this celebrated but little understood declaration “If any man ..”( Mat 16:2a) chi hi. Pekhia a hakhia khu a neitu hina suhlatna hoipen ahi.

“I have never met a victorious Christian who was on the defensive, but I have met I cannot tell how many jumpy, skilfish and thorough unhappy Christian who were burning up their energies in a vain endeavour to protect themselves”

Tozer in alaibu A Cloud By Day A Fire by Night ah thu khautah khat a gen a tua khu tunia I topic dingin ka hing la hi. “Vow never to defend your self, and then keep that vow for the rest of your life” chi hi tazen hi.

Tozer in “When I vow not to defend myself, I am saying that I do not have what it takes to come against the enemy. Normally, we do not want to admit this. We like to believe that we can handle every situation”( A Cloud by Day and the Fire by night.56)

Tozer in vang “Nang leh nang ki defend lou dingin ki chiamna bawl in la tuakhu na damsung a zui ding in ki chiam in” chi hina lai hi. “GIVE IT UP AND KEEP IT, DEFEND IT AND LOOSE IT”

Hia atung a Kigente i sim leh.. zumhuai zawzen hi. Tuni'n, Pastor hi in preacher ki hi leh eima dihna gengen a, midangte dihlou johna chiltui kaizen a gengente, eima ki khukhum sawm teitei, eima a dihzaw, ahoizaw, amau adihlou zaw chia iki self defend gigie nate khu gualjoutu ihilouna mama ahi lam ki thei zel lei maw??? Himi in ikipahna teng lamang a, gualjou diing hing hisah theilou hi.

Abraham chanchin jong i sim leh Pasian in thupi tah in gualzawl sawm hi. Hinanleh a tapa LOT um lai sia Pasian gualzawlna thuchiam tungthei tahtahlou hi. Khujiehin Lot toh buaina hing suah in utlehda in hing kikhen uhi. Pasian in kikhenna pat in a thuchiam leh a thuguh ki phualte hing langsah zel hi. Pasian thuchiam leh thuhun thupi in Lot huam khalou hi. Khujiehin LOT apot ngai hi. Ahi'n Abraham nei leh lam teng jong alah ngim sah ngai hi. Tuapen Abraham ading in na lou hi. Ahi'n anat bang zel in aban a gualzawlna level jong saang mama ding china ahi.

Tuni'n na it mama, na ngai poimaw mama, na mit laidum leh na ta bang phial a na ngainat orgn, or hattuam or society na nei ei? Pasian in na ha khiah, na piah khiah or na nutsia or na kikumlou, na ngaisah lou, na galet, na kihepkhiat dingin hing phuut leh na ngap diei? AW ka ngap na hi na chi masang sia lampi thah hing hillou ding hi phot hi.

GOD'S NOT DEAD MOVIE Na Thei Ngei ei?

Himi christian movie khu Part 5 tan umta hi. Part 1-3 tan avel vel in ka en ta a, Part 4-5 chuh en thei nailou. Ka en ut mama ta hi. Tulai kei leh keima ki hanthawnna ding in ka en pha kia hi. Janni'n part 2 ka en kia a mittui toh ka kiteh hi.

Tunia i gensawm khu Part 3 pen ahi - GOD'S NOT DEAD: A light in Darkness" apat in ki hanthawn vai. Na simsuahlou leh na taan ding lian mama ding hi. part 1 leh 2 pen mailam ah i review ding uhi. Simtuten nang demand uleh...

Rev David Hills khu St James Church Pastor ahi. Himi biahinn building khu kum 150 a upa ta ahi. Apa in ana lam ahi Ama leh a u-pa aneu ua pat khanletna biahinn ahi. Ahivangin a umna mun khu Hadley University compus lailung tah ahijiehin nawngkai mama sa uhi. University in law suit bawlkhum in Student centre lamna ding in ana enla mama uhi. Khujiehin buaibuai mai hi. Rev Dave in apu-apa gou bang a ngai in theitawp in court ah chin-le-ha toh fight ana bawl hi. Student te'n protest bawl in biahinn mai ah ki khawm jing uhi. Alangkhat a biahinn member te'n jong hahkhiat sawmlou in protest ki bawl tuatua uhi.

Pastor pa hapan sengseng in a nisim Bible sim leh a hagau lam tanpha jong buai pi man nonlou in himi biahinn galdouna ah, ahun atha ajung teng beisah hi.

Thilte hing melse semsem in nikhat student khat Adam Richardson kichi pan biahinn glass suangin hing sepkha in vangsiet huai tah in a sung a electric box khat dengkha in biahinn hing kaang hi. Tua phelmit ding kisa associate Pastor Jude khu biahinn sung ah kaanglum hi. Hinanleh a dengtu ki theilou hi. Nikhat a dengtupa Adam jong dihlou kisa in pastor pa’n hing thei siamna va chia text message a pastorpa kung a aki puanleh koi ngaisiam malah ah David in thagum in vua a tuamai hilou in police mansah in suangkul ah khum hi. Biahinn mai hinonlou Adam tungtang jong court case a buaipi ding ki belap hijel mai hi. Lungjin huai semsem hi. Hibang a buai lai a, a case hing panpi ding in a u-pa LAWYER, State tuam apat han a, hinanleh a u-pan khawlsan ding in velvel in ngen hi. Atawp in ama uh unau jong hing ki tuahlou in a u-pan nusia hi.

Tuin pen himi St James Church pa hindan leh a hattuam buaina khu Hopes Spring khopi sung mipi jousie'n jong theisiangta uhi. Ajiehpen local media te ah niteng in ki update hi.

Rev David in theitop sua in fight ma leh University govt tobang khat toh ki dou khu guallel mai hilouin mipite muda leh deilou pa suah hiaihiai hi. Koi khawvel Vah ding himalah Pasian min susietu suahta uhi. Pastor Dave jong a tahsa mitna in lua in lungthahna leh thangpaina hagau in avop bangta hi. Himi gaal in akiehniam sah dan chuh ju jong achangchang a peck jeljel bangta hi.

Hinanleh Pasian hagau in nutsia pumpaang nailou hi ding a nikhat biahinn a a thumna ah Pasian in nasa tah in houpi a, a lungsim hing nem huaihuaita hi. Hagau lam a khatlawhna thah hing tangin tu a, alampi jui khu a mot huai pi ahi dan hing theidohta hi.

Hibang kaal a suangkul a um valnou Adam ngaizawng nugnahnou Keaton Young jong Pasian suisui hagau dangtaah khat ahi. Ama jong ki sumjou nonlou in pastor pa inn ah va pai in direct in pastor pa'n kot ahon toh kituah in hia anuai ateng tang tah in gen khum hi:

“Did you ever even stop to ask why Adam threw that brick? He’s tired of feeling judged and rejected by the people who should be loving and accepting. You want to know why our gengeration leaving the church? It’s because the whole world knows that the church is against but its getting harder and harder to know what it’s for” chi va hankhum hi. A thugen khu tulai khangthah jousie thakheel a, abuaina uh gen hileh kilawm hi.

Rev Dave jong Pasian in nasatah a, ana khoijouta nahnah chuh ana lungthah nonlou in hoideu in theisiamna toh ana lamdawn in ama’n jong thupuhna thupi tah hing bawlta hi. Sawtlou jou in A lungsim a jawna leh ngaidamna leh itna toh hing dim kawm in Biahinn mai a prostest toujing student leh mipi te mai ah va pai in mipite leh govt te gintat lou lam tah in hichi'n hing puangkheta hi.

“I came here today to ask all of you for your forgiveness. The other night I stood before that burn alter and I heard God’s voice for the first time in a long time. Couldn’t have clear. He said “This building is not my church, And this saint James has mean everything to me. Although its been my whole life, I would gladly give all that up for you, so I am withdrawing my lawsuit against the school and dropping the charge against Adam Richardson. We’ve also agreed to turn this land over to Hadley University so that, they can use to build a new student centre along overdue additions to this campus. Chancellor Ellsworth has assured me that this new facility will have a space for our harbour home led by our campus minister Josh Wheaton. As for me I’m going to build a new church. I don’t know how.I don’t know when yet but I'm willing to bet that God can handle the details. And I will love your held, all of you. We could build something new together. But for now put down those signs, put them down please go ahead lay them down. Every one, let stop shouting at each other and start listening. Its the only way that things will get better. Now please take these candles and lets stand together.... let these candles represent peace, hope and unity and love..’

Ei ham in le da tavai. A gen pen ahileh mipite kung ah ngaidam ngen a tunia pat kilem ding, kibuai nonlou ding in puang a, Himi building leh gam teng khu University kung ah pia khia in Adam jong ngaidam na puang hi., Biahinn thah lam ding ka hi ta, A ut teng in hing panpi un chi'n puang khia hi.

Pastor khat in Pasian ahing muthah jiehin amun ah nitaah in revival tung hi. Student te hi in, Univeristy vaihawmte hi leh mipi tampi in candle de khawm in thumna nei in Pasian vehna thupi tah in a city pumpi thei ding in thilhoi piang hi. New Media in himi thu latou ngal in hibang in puang uhi “The divisive pastor at the center of weeks of vehement protest has suddenly become a symbol of forgiveness and unity in Hope Spring. And what once a city divided is now a community coming together to heal” “Perhaps the rest of the country can take a page from this book” chiin Fox News in puang hi.

Sawtlou jou in mun kiching leh thawveng khat ah Rev Dave HIll in a biahinn thah ding latna nei ua khumun a va kipapi leh panpite khu tunia ama galte leh ama ana mudate ahita uhi, Tu in vang mite jatat leh ngainat pastor ahi ta hi.

Hitoh kisa a comment khat ahileh “Sometimes all it takes is a spark, Something very small but the spark becomes a flame and if that flame spreads. the power can be so overwhelming it transforms around it.”

Himi movie apat jil ding khu ei alou ding tu na a itha ijung vasen khu thil ngolhuai leh pammai tawp ahi. Pasianin ei ading a akoinonloute hakhiat dan kijil vai. Thumthum in deldel in fightfight lei ki gam la semsem ding hi khukaal in eipen iliam semsem ding a imel a se semsem ding hi. Samuel in Pasian apat a jah jou in Saul vabuaipi nonlou in David enkawl jawta hi. Abraham in Lot apot nungin va jawljawl kia nonlou hi. A paina lamchiat uh ngatta uhi.

Eg. inn mun patta, gam patta, court case, hattuam vaihawmna, thuneina leh adangdangte huam kha ding hi.

Khujiehin David Wong in hitawh kisai thuhoitah gen hi. “Not every battle has to be fought… Choose your battle. It was a battle not worth fighting. Not every impulse needs to be met, nor every challenge to a fight” Pasian in ei dou ding a ahingpia hilou. Ei gal ding jong hilou khat douna a ihun ithah sen ding khu thil ngolhuai tawp ahi chi chiang theite khu mipil ahi uhi.

Mangpa’n galdou ding leh doulou ding, ha khiah ding leh tuhdet ding, gaalet thaw ding leh a sung a kibual na ding, deldel nalai ding maw topsanta ding chite khentel theina pilna Hagau Siangthou hing pechiat ta hen!

ps” God’s Not Dead part 1 apat 3 tan beh et na ding in na hun pammai sa sin. Na kisih sih ding hi.