DAVID v/s SHIMEI

Fellowship of Thirsty Souls and Hungry Hearts
Devotional # 91 (Vol 4)

Thirsty soul simtute A hepina jingsang teng a thah jel in na hinna hing nousah in hing halsah ta hen!

Text: 2 Samuel 16:10-12:

“But the king said, “What does this have to do with you, you sons of Zeruiah?o If he is cursing because the Lord said to him, ‘Curse David,’ who can ask, ‘Why do you do this? David then said to Abishai and all his officials, “My son,q my own flesh and blood, is trying to kill me. How much more, then, this Benjamite! Leave him alone; let him curse, for the Lord has told him to. It may be that the Lord will look upon my miserys and restore to me his covenant blessingt instead of his curse today.”

INTRODUCTION:

1. Tulai tavang jing kal nisa nou suah lunghel huai na lawmlawm e. Neu lai bupal hon lei a gitta te hon lai gel doh huai. Tualeh 1980s lai a Lamka a Keng a school kai ding a kikuan in lampi tungtawn a ki sa hindi film la lui te i lungsim ah hing ki lou doh hi.
2. Tu ni jingkal tan in jong Pasian in frontline a i tangval te umpi in gal hing doupi pi nalai. Eite ki tuahlou in ki dem dem nanleh Pasian in melmate i mai ah hing hum bit jing nalai. Amin thupi ta hen!
3. Aug 31 peace ground a I rally hileh Public ground a martyre te jatatna sit in protest hileh ani in thu kigen te ka ngai a...thupi in nopmama hi. I gen uh kibang a, i tup uh ki bang a, i melma uh kibang a, i vision uh kibang a,ei jong khenthei mong mong lou a unau laizom hihi dan uh ki mu thah thah hi. Bang ding a mun khat mai a va pang lah? Media ten bawn alang alang a cover thei leh, ei leader ten a ni ni a va pang a va et khiah gel gel ding a veleh. Media te sang a ei leader te lungsim neu jaw ding?
4. Public ground a ten a a jatat leh a suun uh salpha te khu koi dang hilou Haokip, Touthang, Khongsai, Kipgen, Vaiphei, Gangte, Zou, Paite Hmar etc etc I gam a ding ahinna laan mihangsan te ahi veve hi. Tuate sisan pansan leh mailam a hapansem ding chi khu a kilatna uh ahi.
5. Peace ground a ten a gen thupi pen uh khu BIren hing bawl na nat da, sisan ijat ki suata, i maban i ha pan sem ding I tup uh mualsuo masia sitan ajong pang ding hive ve hi.
6. Kei et dan in bangma iki lamdanna a um sih hi. Mun tuam tuam ah i bawl thei tan chiat bawi ihimai hi. Mailam ah iki gawm thou thou ding hi. Ei ma sung chiat a issue tuamtuam kisuh dih na hun i nei phot uh hi mai hi.
7. A hin i jil ngei ngei ding uh chuh KUKILAND leh ZOLAND kichi chuh ahi thei lou him him hiphot hi. I gen jong igen ging non lou ding ahi. Ajiehpen hi te gel ichi tei tei uleh a guallel sa, Meitei te taw liah kia ding ihi uh theisa ahi. Min leh syllable hilou a a mipite i it tah tah leh hite gel i paikhiah phot a movement hatnading i ngai tua uh ngai ta hi. Tulai mi pilvang te ki houna ka ngai khiah khiah leh GREENLAND ma kichi lei kidam jaw leh kilawm hi. “Meghalaya State te bang bang “chi ki ja ja ve aw.Parallel line khu ki su tua thei lou hi. Ahin a lai ah LINE khat i kai uh ngai ta hi.
8. Khat ihive, kikhen thei ihi pouve, i pankhom lou leh i thi gam tei tei dieu ahi BUT ONLY UNDER KUKI’ hi jel. “Unity Unity Ichih lai ua ama uh nuai a hon koi tei tei sawm te nuai eh ei ZOMI te ki ut ngei ngei lou ding hi” chi hijel hi. khujieh in himi ZOMI leh KUKI khu I dam ut ua i ki tuah ut u leh khu pu Thangkhangin toh i phum khawm phot uh ngai ta ei.
9. Ahiin ahoi jaw leh adih jaw leh a awm jaw pen pen leh option hoi pen chuh GREATER MIZORAM hijing hi. Ken ka ut man a kang moh gen hilou hi. I gam a mi pilvang leh maban thei mama, thil mu siam mama finest mind tampi te ngaidan jong ahi. CM leh MP central leh parliament a ahing phut sah ding, lobby hing bawl sah ding i poimaw hi. pu Zamlal Simte gen dan a SA munanlei a hing enkoltu, ahing guide tu ding, ahing lamhil tu ding MIZORAM in ahing etkol lou leh gen ngai lou a amawl pen in jong i thei sa. Suahtatna ni suah ngei lou ding a i maban mial sem sem ding. A hing makai ding te koi te i thei sa.

TOPIC AH LUT TA VAI:

Kumpi David ama kibawl a gamtat khelna jieh in vangsiet huai tah in a tapa in a kumpi hina tu sawm ahi chiang a lu-buh taipi in a keng guah in lamtung tawn a kap kawm in a mipite toh khopi taisan hi. Hibang a din mun dengdel leh hin leh si kal ah bangma in jong a hamuan joulou ding khop a baa leh chau lai tah in a da huai vawt khat in a gimna belap sah nalai ding hi. Tua khu Shimei ahi.

Saul tapa Shimei a guh in David a na mu da mama a, aguh in a lungsim ah David tung a luthahna bei theilou si theilou paai in chance ana enen in, tu hun David hinkhua beidot patawp laitah khu chance la in, Lampi a David kap kawm a hing pai khu aman suang a na sep toutou in ana hamsietsiet hi: “As King David approached Bahurim, a man from the same clan as Saul’s family came out from there. His name was Shimei son of Gera, and he cursed as he came out. He pelted David and all the king’s officials with stones, though all the troops and the special guard were on David’s right and left. As he cursed, Shimei said, "Get out, get out, you murderer, you scoundrel! The Lord has repaid you for all the blood you shed in the household of Saul, in whose place you have reigned. The Lord has given the kingdom into the hands of your son Absalom. You have come to ruin because you are a murderer!”( 2 Sam. 16:5-8)."

Na hinkhua a, a niam patawp, na dengdel patawp, na lungkia leh lung neu top khawh laitah in tuami chance la a theitop a hing na phin, hing na chou, hing na samsie mi na thei ngei ei? I thei mama ding uhi. Tua bang mihing khu koidang hilou in ama buai leh chimaw lai a ama ding a bangma itlou a na kithuapi, a na hun leh a na huai leh a na enkol a na dinpi pa or nu hi thei ahi. Tu na dinmun ngiam top leh chimaw tawp lai in ama’n atung a na hoinate ahing le thuh na thei pen khu na tung ah eh hing thah khum dildel himai hi.

Ahin Hibang tan na tuah kha tah leh na Hagau hinkhua khu a sang lam ahi ta., Amaimai ahi nonsih chi ka hing thei sah ut hi.

Hibang dinmun a tun lai in David a guard pan “hia UI-SISA bang mihing in bang ding a ka pu a hou thei e? va pai vang in a ngawng va bansan ta vang” chi ata khu( 16:9)

Hi mun a David dawnna in David Hagau lam a thuuh dan, Pasian a theina leh agintatna a det dan leh a etna asaan dan kilang hi:

“But the king said, “What does this have to do with you, you sons of Zeruiah?If he is cursing because the Lord said to him, ‘Curse David,’ who can ask, ‘Why do you do this? David then said to Abishai and all his officials, “My son, my own flesh and blood, is trying to kill me. How much more, then, this Benjamite! Leave him alone; let him curse, for the Lord has told him to. It may be that the Lord will look upon my miserys and restore to me his covenant blessingt instead of his curse today.”(16: 10-12)

Kumpi thupi khat hi ding in singtang a lou nasem neh kilaw tawm khat in na din mun buaisiet lai tah chance la in a ut dandan a hing hou ding in na ki daw ding, na dawnlou ding, a utut na bawlsah ding, na gensah ding, chil ang siet khum leh jong bangma genlou a na ki daw ding chi amawh veh? Tuabang a kibawlna khu I Mangpa Jesu’n jou a, tua ma bang in I Mangpa Jesu suanpa leh pu pa a ki gen David in jong ana jou hi. David ading in KUMPI ahi ni a kipah seng a lamlam ni sang in himi hun khu “HIS FINEST MOMENT” kichileh fuh jaw ding hi.

Ham chu hamsa mama ding hi. UI SI-SA or UIPUL bang khat in i dinmun dengdel laitah chi thei sasa a ut dandan a ahing kap ding in bangma bawllou a thuah vevaw phot ding chi pen GINNA PICHING lou ading in thil nop hilou hial ding hi. Ahi'n David in Pasian hepina a tanna ding dei jaw in leh Hepina a tanna ding a lampi hoi mama in ahi dan thei in nop tah in Shimei hamsietna khu saang in, pomsiam hi. Ajiehpen Shimei hamsietna a khaat jaja or bang bangin Pasian gualzawlna jong hing hum ding ahi chi thei hi.

Hisang in bawn kha nalai henlan, a huaise jaw sem leh chi jaw na lai ding hi.

A tawmlam in genlei, Himi ni a Shimei hamsietna teng teng David in a saang siam jieh in Pasian in gualjawlna in hing heisah a, Commentary khat in Esther laibu a Naman tungtang a gen dan hileh “eventually the tables were violently turned, resulting not only in the deliverance of the Jews but also in the destruction of their enemies-including Haman” achi ka geel doh hi. (Every Man’s Bible NIV,659).

David ana thaunil tu, ama gualnou apat ana puitu Pasian in nusia loua, Hepina toh pui jel in, a bawlkhel jieh in taihilna lesson pia nanleh a itna tullou toh huai in, sawtlou nung in a kumpi inn pi ah hingpui kia hi. Koi atate a soisah lai a ata hina pat a paimang a um a? Tate i taihil chiang nuam man tampi piah ding khu Pa mawpuah ahi.

Aw Shemei in hi hun lai tah in, mailam sawtlou chiang a David kengbul ahing bohkhup a thupha ang tawi kia veve ding lam a ana thei leh maw?? Hi bang lawmlawm ana ngollou ding hia maw(19: 18-23). Ahia lah a awsie, a kamsie te lah kia thei hita lou a maw?

2 Samuel bung 19 ah David in ang kile lam in Shimei in David a biah siam lou leh a hi thei lou ding hi ta hi. Ut in ut sih leh a kituh lut ngai ta hi.. Shimei bang a mivangsie, lungkim lou na hau, lungsim na jing, lungthahna nei jing, ngaidamlouna vomjing te khu lung neu jing mai ding ua, Ahin David bang a kumpi lungsim puate khu a ngaidam tu leh hepina hawm khia tu hi jing ding uhi.

Shimei bang gingtute khu mi ngaidamna leh mi hepina ah ki ngam or ki tou del jing ding uhi. Ajiehpen ama un pia khiah ding hoina nei lou uh ahi jieh in. Ama ua umlou nah nah chu pia khia or homkhia thei lou ding uhi. A hin Kumpi David gingtu in vang pia khiah ding hoina, ngaidamna, itna te a kang thei lou, piah khiah seng lou nei ding ua pia khia khia mai ding uh hi.

2 Kings 2: 8-9, 36-46 a SOLOMON in Shimei ahing bol ding dan jong vang hepi huai veve hi. Ajiehpen David in Shimei ngaidam nanleh Shimei pen a achalak, a dawha, a lungsim siet, a hinna avom haichi hoilou khu bei tuanlou a. Vom jing nalai hi. Ngaidam na tang nanleh ngaidamna hinkhua a hing thei lou ahi jieh in vangsiet huai tah in SOLOMON in ahina toh kituah in soisah veve hi. Mangpha Shimei Sorry!

Tunia David leh Shimei apat a i jil ding khu Shimei bang khu mun chin ah um hi. Hattuam committee ah, society ah a khat tei tei i kem chiat hi. Hia Shimei te bol thei pen khu a awsie u toh khoi tah e khat mi kap tei tei ding, ama ua ngaidam louna, lungthahna, lung tang natna, or a Virus a kep or vom uh khu midang khat pia sawn teitei ding chi khu ahi. Mi khat a kaap lou ua, mi khat a suhnat lou uleh ihmu thei lou, ama uh ihmut thei lou khu midang khat jong a ihmut sah lou uleh hi thei mama lou ahi uhi.

Pastor Shimei bangbang a ningning apat Bible taang toh mi kap jong um hi. I hinkhua a hibang Shimei toh ki mel thei khah, hattuam khat hikhah, nam khat hi khah pen a vangsiet huai pen pen khat ahi ichi mai thei hi. Ahi'i'n ithei lou khu Shimei umlou leh David thupina kilang lou dinga, David in lesson thupi tah jillou ding hi. Shimei awsie umlou leh David in Pasian hepina leh gualzawlna leh deisah na tang lou ding hi.

Shimei awsie khu David ading a gualzawlna ahi. David bang a thupi tah a Pasian gualzawlna idei leh Shimei te i thei siam ua, i pawm siem ua, a awsie te jong i lah siam uh ngai hi. Shimei UI SISA- Ui-Pul bang umlou a David kumpi thupi um theilou hi mawh hi.

Ka laibu TUIKHA apat Tui Hum bu ah “na Shimei te jieh in kipah thu gen in” chi na sim ta diei ma?

David body guard pan Shimei ngawng va tan ding achi khu David in phallou hi. Ajiehpen David awsie, leh hamsiet na manphat dan David in mu pha hi. Khujieh in tuni'n na hinkhua a, na genthei tawp lai a aning khat a hingna demdem, hing na kapkap, hing na gensie sie na lampi tungtawn a, a suang toh hing na sepsep/dengdeng na Shimei khu hepi huai mama mihing ahi. Mi thuhtah mongmong hilou, mi vangsie, pia khiah ding thilhoi neilou, lungthahna a dim, lungsim neu, mi hepi huai ahi lam thei siam in.

Tuaziah in na tung Shimei bang a gamtang a um leh, a gen thei teng gen sah in, a bawl thei teng bawl sah in ajiehpen Pasian in nang a ding a thil hoi lian pi anei jieh in. Tuabang mi khu Mangpa'n Shimei azat bang a azat ahi bou hi. Khatvei chiang'n Pasian in Solomon jang in na Shimei te akilawm bang in hing thuh sah na ding hi. Nang buaipi ngailou hi.

Tuni'n simtu te I hinkhua a Shimei te David bang a theisiem in, akol dan siam in, a saandan siam ding in Mangpa’n GRACE hing pe chiat ta hen!

SHALOM SHALOM Topa Thupha!